TRIANGLE: Një program i ri për inovacion dhe sipërmarrje!

TRIANGLE: Një program i ri për inovacion dhe sipërmarrje! - Universiteti "Barleti"

TRIANGLE: Një program i ri për inovacion dhe sipërmarrje!

2025-09-19

Universiteti Barleti është Lead Partner i projektit TRIANGLE (Transforming Research, Industry & Academia into Networks for Growth & Leadership), i cili financohet nga Bashkimi Europian në kuadër të EIT Higher Education Initiative.

Ky projekt ambicioz synon të forcojë kapacitetin inovativ dhe sipërmarrës të institucioneve të arsimit të lartë, duke ndërtuar ura bashkëpunimi mes akademisë, industrisë dhe shoqërisë. Përmes trajnimeve, mentorimit dhe aktiviteteve ndërkombëtare, TRIANGLE do të shndërrojë idetë akademike në zgjidhje konkrete, gati për treg, duke nxitur start-up-e dhe sipërmarrje me ndikim shoqëror dhe ekonomik.

Programi i ri sipërmarrës për studentë dhe staf akademik.
Në kuadër të projektit TRIANGLE, Universiteti Barleti lançoi programin e parë 6-javor të sipërmarrjes, i cili do të nisë më 6 Tetor 2025.
Programi është i hapur për studentë, staf akademik dhe jo-akademik, dhe ofron mundësinë unike për të kthyer një ide inovative në një sipërmarrje reale.

Çfarë do të përfitojnë pjesëmarrësit:

Ndërtimin e një modeli biznesi fitimprurës
Zhvillimin dhe testimin e prototipit të produktit
Trajnim mbi pitching & fundraising për të siguruar financim
Aftësi për të kuptuar më mirë nevojat e klientit dhe tregut
Mentorim të dedikuar gjatë gjithë programit

Afati i aplikimeve: 26 Shtator 2025
Në përfundim, pjesëmarrësit do të pajisen me certifikatë zyrtare.

Ky aktivitet shënon hapin e parë të një sërë iniciativash që do të zhvillohen nën drejtimin e Universitetit Barleti në kuadër të projektit TRIANGLE, me synimin për të ndërtuar një ekosistem inovacioni më gjithëpërfshirës dhe të qëndrueshëm në Shqipëri dhe në mbarë Europën.