Universiteti Barleti dhe Dhoma e Tregtisë Shqipëri–Japoni nënshkruajnë marrëveshje bashkëpunimi - Universiteti "Barleti"
Universiteti Barleti dhe Dhoma e Tregtisë Shqipëri–Japoni nënshkruajnë marrëveshje bashkëpunimi


Sot, më 15 prill 2025, në ambientet e Universitetit Barleti u zhvillua takimi zyrtar mes përfaqësuesve të Universitetit Barleti dhe Dhomës së Tregtisë dhe Industrisë Shqipëri–Japoni (AJCCI), me rastin e nënshkrimit të një Memorandumi Mirëkuptimi që formalizon një bashkëpunim të gjerë institucional.

Në takim morën pjesë Rektorja e Universitetit, Prof. Dr. Suzana Guxholli, dhe Dr. Edmond Trako, Administrator i Fakultetit të Shkencave Mjekësore, ndërsa AJCCI u përfaqësua nga z. Gjergj Teneqxhiu, anëtar i Bordit Drejtues, dhe z. Erion Lekaj, Sekretar i Dhomës.

Ky memorandum parashikon bashkëpunim në disa fusha kyçe si: zhvillimi i kurrikulave të përbashkëta, praktikat profesionale për studentët, projekte të kërkimit të aplikuar dhe inovacionit, si dhe organizimi i aktiviteteve të përbashkëta që lidhin më fort universitetin me botën e industrisë dhe sipërmarrjes.

Përmes kësaj marrëveshjeje, Universiteti Barleti dhe AJCCI angazhohen të kontribuojnë në krijimin e një ekosistemi sipërmarrës konkurrues, të hapur ndaj ndërkombëtarizimit dhe të fokusuar në përgatitjen e brezave të rinj me aftësi praktike dhe vizion global.

Foto Galeri
Universiteti Barleti dhe Dhoma e Tregtisë Shqipëri–Japoni nënshkruajnë marrëveshje bashkëpunimi
Universiteti Barleti dhe Dhoma e Tregtisë Shqipëri–Japoni nënshkruajnë marrëveshje bashkëpunimi

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2025 - Universiteti Barleti - Tiranë. Të gjitha të drejtat të rezervuara.