Barleti Hackathon Demo Day në Shkodër

Barleti Hackathon Demo Day në Shkodër - Universiteti "Barleti"

Barleti Hackathon Demo Day në Shkodër

2023-04-13

Më datë 13 Prill 2023, në kuadër të aktivitetit “Barleti Hackathon - Zbulimi i talenteve për të ardhmen dixhitale”, vazhdimësi e aktiviteteve çdo mujore të Universitetit Barleti, u zhvillua faza “Demo Day” në shkollen “Oso Kuka” në qytetin e Shkodrës.

Qëllimi kryesor i këtij aktiviteti është zbulimi dhe mbështetja e talenteve të grupmoshave të ndryshme, duke u krijuar hapesirën e punës, mbështetjen e ideve dhe ofrimin e qasjes për përmirësimin e projekteve të tyre që përfshinin kodim, ndërtim të aplikacioneve, apo softwer-ve në varësi të projektit. Për të realizuar këtë objektiv, “Barleti Hackathon”, është konceptuar në tre faza: Faza 0: Demo Day, Faza 1: Implemtentim/Zbatim dhe Faza 2: Realizim/Prezantim.

Me nxënësit e shkollës “Oso Kuka” në Shkodër, Faza Demo Day, u realizua në ambjentet e shkollës respektive. Në këtë fazë nxënësit u informuan mbi filozofinë e aktivitetit Hackathon, si duhet ta kuptojnë dhe t’i qasen këtij eventi teknologjik. Secili nga nxënësit, individualisht apo në grup, filloi të gjeneronte një ide për ta ideuar dhe konceptuar. Idetë e tyre fillestare i konsultuan nga Msc. Anisa Doci që u dhanë gjurmët e para në të cilat duhet të vazhdonin rrugëtimin për realizimin e ideve të tyre në produkte konkrete.

Nga shkolla “Oso Kuka “në Demo Day morën pjesë 24 nxenës dhe u gjeneruan 4 projekte, ndër të cilat “Eco Tech”, “Bashkë në Shkodër”, “Learn”, “Guide turistike për Shkodrën”.

Kjo fazë informimi ka vazhdimësinë në ditën e zhvillimit të Hackathon, në dy fazat në vijimësi, ku mendimet do të kalojnë në 4 faza trajnimesh deri në konkretizimin real të idesë.