Tirana Steam Fair - Sukses në Universitetin Barleti

Tirana Steam Fair - Sukses në Universitetin Barleti - Universiteti "Barleti"

Tirana Steam Fair - Sukses në Universitetin Barleti

2022-10-26

Panairi TIRANA STEAM FAIR(TSF) mbështetur nga Këshilli i Ministrave dhe Fondi për Startup-et si dhe Ministri për Mbrojtjen e Sipërmarrjes, në kuadër të projektit: BARLETI HUB - INCUBATOR & ACCELERATOR dhe Programit STEAM ALBANIA iniciuar nga UNIVERSITETI BARLETI u zhvillua të shtunën më 22.10.2022 pranë ambjenteve të Kampusit të Ri të Universitetit Barleti.

Në aktivitet morën pjesë 400 nxënës nga të gjitha Shkollat e Mesme të vendit me 120 projekte pjesëmarrëse nga fusha e Sipërmarrjes, Inovacionit, Start up-eve, Shkencave të Natyrës, Inxhinierisë, Arkitekturës, Designit, Arteve etj .
Në këtë aktivitet u shpallën 5 fitues në fushën e ICT, INOVACION-it, INXHINERISË DHE SHKENCAVE TË NATYRËS, me titujt e projekteve: Smart School, Edit Market, €-Recycle, I-Vote.al dhe Bio Gaz nga Shkollat Harry Fultz; Teknike-Ekonomike, Aleks Buda, Sami Frashëri dhe Numani Fier.

Qëllimi i këtij panairi ishte identifikimi dhe kultivimi i prirjeve dhe talentit në fushën e Sipërmarrjes, Inovacionit, Start up-eve, Shkencave të Natyrës, Inxhinierisë, Arkitekturës, Designit, Arteve; mbështetja për realizim dhe promovim të projekteve drejt komericalizimit; suporti ndaj nxënësve për pjesëmarrje dhe promovim në kompeticione kombëtare dhe ndërkombëtare në fushat përkatëse; orientim dhe këshillim për përmirësim dhe zhvillim të aftësive profesionale dhe prezantuese të nxënësve përballë sfidave të kohës; ndërgjegjësimi dhe rritje e vëmëndjes ndaj modeleve bashkohore të mësimdhënies të cilat rrisin konkurueshmërinë e nxënësve drejt botës së inovacionit, kreativitetit dhe shkencës.

Nxënësit me projektet fituese në këtë panair do të marrin pjesë me të gjitha shpenzimet e mbuluara në Panairin Ndërkombëtar të Inovacionit dhe Aeronautikës Teknofest në Turqi me Gusht 2023 dhe do të prezantohen dhe promovohen në European Innovation Week.
Ky panair do të pasohet nga 2 evente të tjera të mëdha si Regional Steam Fair në Shkurt 2023 dhe Albanian Science, Engineering, Design Fair (ASEDF-STEAM) në Maj 2023.
https://www.youtube.com/watch?v=rFWv7cVnbrA