Barleti Volley i fiton të dyja ndeshjet e kësaj javë me rezultatin 3-0. - Universiteti "Barleti"
Barleti Volley i fiton të dyja ndeshjet e kësaj javë me rezultatin 3-0.
Barleti Volley i fiton të dyja ndeshjet e kësaj javë me rezultatin 3-0.

Java e dyte e kampionatit të volejbollit është mbyllur me sukses, Barleti Volley-Flamurtari, dhe Barleti Volley-Skënderbeu me rezultatin e pastër 3-0.
Vajzat e ekipit Barleti vazhdojnë me fitore radhazi duke treguar që edhe këtë vit janë pretendentet kryesore për titullin kampion, por deri në përfundim ka shumë rrugë përpara.

Ndeshja e parë me Flamurtarin e Vlorës është fituar 3-0 nga kampionia në fuqi e volejbollit shqiptar të femrave, Barleti Volej. Trajneri i Flamurtarit, Todi Driza, ka deklaruar se ekipi vlonjat është duke ardhur në rritje për të arritur objektivat e vendosur nga klubi Vlonjat. Ky është viti i parë që ekipi Vlonjat luan në ligën e parë, duke qenë se sezonin e kaluar fitoi vendin e parë në grupin A2, dhe këtë sezon është pjese e ekipeve më të mira në Shqipëri.

Ndeshja e parë është luajtur në pallatin e sportit “Asllan Rusi” në qytetin e Tiranës. Ndeshja e dytë ka përcjellë emocione për vajzat korçare, e cila është luajtur në Pallatin e Sportit “Tamara Nikolla”, të qytetit të Korçës, teksa ka pasur rreth 500 tifozë të pranishëm për të mbështetur skuadrën e tyre.

Korçaret, me moshën më të re nga të gjitha ekipet e këtij sezoni, janë munduar të japin maksimumin e tyre, por vajzat barletase e kanë marrë situatën në dorë që në fillim të ndeshjes, duke mos lënë asnjë hapësire për të sulmuar.

Foto Galeri
Barleti Volley i fiton të dyja ndeshjet e kësaj javë me rezultatin 3-0.
Barleti Volley i fiton të dyja ndeshjet e kësaj javë me rezultatin 3-0.

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Universiteti Barleti - Tiranë. Të gjitha të drejtat të rezervuara.