Z Hubert Petit , ish zv. ambasador i BE në Tiranë zhvilloi një konderencë të hapur me temë "Diplomacia Europiane" në ambientet e Universitetit Barleti. Gjatë konferencës ku morën pjesë studentë dhe pedagogë të Universitetit Barleti, z. Petit tregoi detaje të ndryshme interesante nga puna e tij në Tiranë si përfaqësues i lartë i Bashkimit Europian. Negociatat politike të cilat z. Petit ndërmjetësoi midis Partisë Socialiste dhe Partisë Demokratike ilustruan qartë rolin delikat dhe të rëndësishëm të diplomacisë europiane në vendin tonë.
Në pjesën e dytë të konferencës z. Hubert Petit mori pyetje të ndryshme nga të pranishmit dhe shpjegoi qëndrimet dhe opinionet e tij në lidhje me tema të ndryshme që varionin nga procesi i integrimit të Shqipërisë në Europë e deri tek marrëdhëniet midis Bashkimit Europian dhe Rusisë. Pedagogët dhe studentët e Barletit, si dhe të pranishëm të tjerë patën një shans unik pëer të shkëmbyer mendimet e tyre me ish diplomatin e lartë Europian.