English
Shqip
Diplomë "Master i Shkencave": Stomatologji (5 vjet - Program i Integruar) *
Programi I integruar I ciklit të dytë të studimit në Stomatologji synon pajisjen e studentëve me njohuri mbi konceptet teorike bazë dhe të thelluara e aftësi praktike për ushtrimin e profesionit të stomatologut dhe në përputhje me kërkesat e direktivës së komunitetit europian 78/687 CEE për ushtrimin e profesionit të stomatologut.Programi i studimit pajis studentët me metodologjinë më bashkëkohore të formimit shkencor e profesional, që mundëson njohjen e plotë të problemeve të shëndetit oral të personit të shëndoshë dhe të sëmurë.
Programi është i hartuar dhe organizuar bazuar në disiplinave formuese duke bërë integrimin e njohurive teorike shkencore që përftohen nga shkencat e formimit bazë të stomatologut, me njohuritë fispatologjike e klinike të mjekësisë së përgjithshme, dhe rritjen e njohurive dhe aftësive profesionale, me qëllim njohjen dhe vlerësimin në mënyrë kritike nga pikëpamja klinike por edhe social – kulturore të dhënat e gjendjes së shëndetit dhe sëmundjes së aparatit stomatik të individit.
Programi i studimeve në Stomatologji përfshin veç njohurive të formimit të përgjithshëm edhe njohuritë në lëndët profesionale si higjiene dentare, terapitë, profilaksitë në pjesën e parandalimit të sëmundjeve dentare, dhe lëndë që aftësojnë profesionistin në menaxhimin etik dhe njerëzor të problemeve të pacientit. Praktika profesionale/klinike e parashikuar për tu zhvilluar gjatë procesit mësimor, përveç aftësimit praktik të studentit, shërben dhe për aftësimin e tij drejt komunikimit me pacientin.
Diplomë "Master i Shkencave": Stomatologji (5 vjet - Program i Integruar) *
Plani mësimor - Diplomë Master i Shkencave në "Stomatologji (5 vjet - Program i Integruar)" (PDF)
Diplomë "Master i Shkencave": Stomatologji (5 vjet - Program i Integruar) *
Ky program studimi përmbush standardet më të larta akademike dhe i lidh ato ngushtë me aplikimet praktike në fushën e shëndetësisë. Një pjesë e madhe e kurrikulës është e dedikuar për orë praktike dhe laboratorike, të cilat sigurojnë aftësimin e studentëve për t'u përgatitur në mënyrë konkrete dhe profesionale për të ushtuar profesionin menjëherë pas diplomimit. Pas përfundimit të ciklit 5-vjeçar, studentët janë të aftë të punojnë si mjekë stomatologë në tregun shqiptar dhe atë ndërkombëtar.
Shëndeti oral është një element kyç i shëndetit të përgjithshëm të individëve dhe shpesh ndikon drejtpërdrejt në mirëqenien e tij. Në këtë kontekst, përgatitja e mjekëve stomatologë të kualifikuar dhe me integritet është një kontribut i rëndësishëm për përmirësimin dhe ruajtjen e shëndetit të popullsisë. Përmbushja e nevojës për stomatologë kërkon programe që ofrojnë formimin e specialistëve të aftë për të ofruar shërbime cilësore. UniBa ka për qëllim formimin e një elite profesionistësh në stomatologji, duke përdorur përvojën e tij të pasur në ofrimin e programeve të licencuara dhe të akredituara, si dhe duke bashkëpunuar me aktorët kryesorë të sektorit shëndetësor dhe profesionistët më të njohur në fushë. Pas përfundimit të ciklit 5-vjeçar, studentët do të kenë mundësi të punësohen jo vetëm në sektorin privat, por edhe në atë publik, në institucione të ndryshme si:
- Ofruesit e shërbimeve shëndetësore parësore, publike dhe jopublike
- Ofruesit e shërbimeve spitalore
- Institucione arsimore
- Klinika stomatologjike private
- Depo dentare
- Kompani importuese të materialeve dentare
- Organizata jofitimprurëse
- Punë kërkimore
Diplomë "Master i Shkencave": Stomatologji (5 vjet - Program i Integruar) *
Aplikimi për të studiuar në Universitetin “Barleti” në Programin e Integruar Master i Shkencave në “Stomatologji” bëhet përmes rregullave dhe udhëzimeve të përcakuar nga Ministria e Arsimit dhe Sportit(MAS).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e Universitetit “Barleti” dhe i Programit të Integruar Master i Shkencave në “Stomatologji” bëhet përmes formularit A2/A3 në periudhat që përcaktohen me udhëzim nga MAS.
I gjithë procesi i aplikimit kalon në tre raunde, të cilat përcaktohen nga MAS.
SJELLIM NË VËMENDJE se aplikanti/maturanti mund të bëhet pjesë e UniBa-së vetëm kur e zgjedh UniBa-në Programin e Integruar Master i Shkencave në “Stomatologji”.
Në Programin e Integruar Master i Shkencave në “Stomatologji”, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MAS).
- Dorëzon të gjithë dokumentacionin e kërkuar në udhëzimet e MAS dhe rregulloret e brendshme të UniBa-së.
- Të paguajë tarifën e studimeve sipas kushteve dhe kritereve të përcaktuar në marrëveshjen mes UniBa-së dhe Studentit.
Pranimi i studentëve në Programin e Integruar Master i Shkencave në “Stomatologji” bëhet mbështetur në kuotat e përcaktuara nga UB dhe të miratuara nga MAS, mbi bazë të standardeve të përcaktuara nga MAS, të akteve ligjore e nënligjore dhe rregulloreve të UniBa-së.
Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Diplomë "Master i Shkencave": Stomatologji (5 vjet - Program i Integruar) *
Tarifa e studimit në Programin e Integruar në “Universiteti Barleti” është ndër mëkonkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në Programin e Integruar është 5 vite akademikë.
Koha maksimale e studimeve në Programin e Integruar është 5 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë "Master i Shkencave": Stomatologji (5 vjet - Program i Integruar) *
