English
Shqip
Diplomë "Bachelor": Menaxhim Biznesi
Zhvillimi dinamik i biznesit dhe strukturimi i tij në një kontekst gjithnjë e më konkurrues kërkon edukimin e një elite të re të punonjësve dhe menaxhereve të ardhshëm, njohuritë dhe aftësitë e të cilëve, do të garantojnë konkurrueshmëri me efikasitet dhe sukses në tregjet vendase apo ndërkombëtare. Ky edukim sipas koncepteve moderne të menaxhimit duhet t’ju mundësojë studentëve përvetësimin e njohurive teorike, empirike dhe praktike mbi mënyrat dhe metodat e menaxhimit të funksioneve apo veprimtarive të ndryshme të biznesit.
Formimi që ne ofrojmë në fushën e Menaxhimit të Biznesit mban parasysh ndryshimet që vijnë si rezultat i transformimit dhe zhvillimit të ekonomisë. Modulet, lëndët dhe temat që trajtohen, gjatë gjithë kohëzgjatjes së formimit, janë të përshtatura plotësisht me realitetet ekonomike, me pritshmëritë e studentëve, si dhe me nevojat konkrete të organizatave të biznesit. Kombinimi i formimit bazë me profilet e zgjedhura nga studenti, si dhe me praktikat mësimore pranë sipërmarrjeve e bën proçesin mësimor shumë më interesant dhe rrit aftësitë profesionale si dhe mundësitë e punësimit të studentëve.
Duke patur në fokus problematikat konkrete të organizatave të biznesit si dhe pritshmëritë që ato kanë ndaj drejtuesve të ardhshëm, një rëndësi e veçantë i kushtohet zhvillimit të aftësive vendimmarrëse si dhe përfitimit të njohurive për praktikat dhe proçeset e menaxhimit, të përshtatura për bizneset që ushtrojnë veprimtarinë e tyre në vendin tonë.
Diplomë "Bachelor": Menaxhim Biznesi
Plani mësimor - Diplomë Bachelor në "Menaxhim Biznesi" (PDF)
Diplomë "Bachelor": Menaxhim Biznesi
Diplomimi i studentëve në universitetin “Barleti” në programin “Menaxhim Biznesi” ju ofron mundësi të shumta karriere si:
- Menaxhere të bizneseve;
- Menaxherë dhe administratorë të ndërmarrjeve publike;
- Menaxherë të operacioneve dhe sektorëve në bizneset private;
- Specialistë të marketingut;
- Specialistë të burimeve njerëzore.
Diplomë "Bachelor": Menaxhim Biznesi
Aplikimi për të studiuar në universitetin “Barleti” në programin “Menaxhim Biznesi” në ciklin e parë Bachelor bëhet përmes rregullave dhe udhëzimeve të përcakuar nga Ministria e Arsimit, Sportit dhe Rinisë (MASR).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e programit “Menaxhim Biznesi” dhe e universitetit “Barleti” bëhet përmes formularit A2 në periudhat që përcaktohen me udhëzim nga MASR.
I gjithë procesi i aplikimit kalon në dy raunde të cilat përcaktohen nga MASR.
SJELLIM NË VËMENDJE se aplikanti/maturanti mund të bëhet pjesë e UB-së vetëm kur e zgjedh UB-në programin “Menaxhim Biznesi”.
Në programin “Menaxhim Biznesi”, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Vërteton me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
- Dorëzon të gjithë dokumentacionin e kërkuar në udhëzimet e MASR dhe rregulloret e brendshme të UB-së.
- Paguan tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit.
Pranimi i studentëve në programin “Menaxhim Biznesi”, cikli i parë Bachelor bëhet mbështetur në kuotat e përcaktuara nga UB dhe të miratuara nga MASR, mbi bazë të standardeve të përcaktuara nga MASR, të akteve ligjore e nënligjore dhe rregulloreve të UB-së. Proçesi i pranimit/regjistrimit vijon me nënshkrimin e marrëveshjes dhe mbyllet me marrjen e numrit të matrikulimit nga QSHA.
Diplomë "Bachelor": Menaxhim Biznesi
Tarifa e studimit në programin “Menaxhim Biznesi” në universitetin “Barleti” është ndër më konkurueset në treg, pasi synohet ardhja në ndihmë studentëve, duke u dhënë atyre një mundësi studimi. Likuidimi i tarifës kryhet me 3 këste.
Kohëzgjatja normale e studimeve në ciklin Bachelor është 3 vite akademikë.
Koha maksimale e studimeve në ciklin Bachelor është 6 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë "Bachelor": Menaxhim Biznesi
