Programi i studimit synon aftësimin profesional të studentëve me njohuri bazë mbi artet dhe fushat e përgjithshme të dizajnit duke i specializuar më pas në dy profile me fokus të veçantë në Dizajni Interieri dhe produkti, të gatshëm për tregun e punës vendas dhe global, ku nevoja për aftësi teknike dhe grafike është gjithmonë e më shumë në rritje.
Përqasja e programit u mundëson studentëve të pajisen me një sërë njohurish praktike dhe teorike të përgjithshme në kuadër të formimit të tyre artistik dhe teknik, e cila do të paraprijë vazhdimit të kualifikimeve dhe specializimeve të mëtejshme. Falë kësaj përqasjeje, ata do të thellohen në një numër të caktuar fushash siç janë: arti dhe dizajni, dizajni grafik, arkitektura e interierit, foto dhe video, prodhimi dhe dizajni nëpërmjet mjeteve dixhitale etj.
Plani mësimor - Diplomë Bachelor në "Dizajn interieri dhe produkti" (PDF)
Të diplomuarit në programin e studimit Bachelor “Dizajni Interieri dhe produkti”, mund të punësohen si:
Aplikimi për të studiuar në “Universiteti Barleti” në Programin Bachelor në “Dizajn Interieri dhe Produkti” bëhet përmes rregullave dhe udhëzimeve të përcaktuar nga Ministria e Arsimit dhe Sportit (MAS).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e programit “Dizajn Interieri dhe Produkti” dhe e “Universiteti Barleti” bëhet përmes formularit A2 në periudhat që përcaktohen me udhëzim nga MAS.
I gjithë procesi i aplikimit kalon në dy raunde të cilat përcaktohen nga MAS
SJELLIM NË VËMENDJE se aplikanti/maturanti mund të bëhet pjesë e UNIBA-së vetëm kur e zgjedh UNIBA-në programin e “Dizajn Interieri dhe Produkti”.
Në programin Bachelor në “Dizajn Interieri dhe Produkti”, pranohet për të ndjekur studimet shtetasi shqiptar ose i huaj që plotëson kriteret e mëposhtme:
Pranimi i studentëve në Programin e studimit Bachelor në “Dizajn Interieri dhe Produkti” bëhet mbështetur në kuotat e përcaktuara nga UNIBA dhe të miratuara nga MAS, mbi bazë të standardeve të përcaktuara nga MAS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Tarifa e studimit në Programin Bachelor “Dizajn Interieri dhe Produkti”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi.
Likuidimi i tarifës kryhet me 2 këste.
Kohëzgjatja normale e studimeve në Programin Bachelor është 3 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.