Diplomë Master Shkencor: Punë sociale në Sistemin Arsimor

Plani mësimor - Diplomë Master i Shkencave në "Punë sociale në Sistemin Arsimor" (PDF)

Diplomë Master Shkencor: Punë sociale në Sistemin Arsimor

Të diplomuarit në programin e studimit Master i Shkencave në “Punë Sociale në sistemin arsimor”, mund të punësohen në:

• Çerdhe e kopshte
• Institucione të arsimit parauniversitar publike dhe private
• Qendra Komunitare
• Organizata të shoqërisë civile

Diplomë Master Shkencor: Punë sociale në Sistemin Arsimor

Aplikimi për në Universitetin “Barleti” në programet e ciklit të dytë Master i Shkencave bëhet përmes rregullave dhe udhëzimeve të përcaktuara nga Ministria e Arsimit, Sportit dhe Rinisë (MASR).

Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Ka përfunduar me sukses studimet dhe është pajisur me diplomë në një program të ciklit të parë, i cili rezulton i licencuar në momentin e regjistrimit të studentit dhe i akredituar në momentin e diplomimit të studentit oseështë diplomuar jashtë vendit në një program të ciklit të parë, të licencuar dhe akredituar. Diploma është e detyrueshme të njehsohet pranë MASR/QSHA brenda  muajit dhjetor;
• Dorëzon të gjithë dokumentacionin e kërkuar sipas udhëzimeve të MASR dhe rregulloret e brendshme të UB-së;
• Merr përsipër të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit;
• Nuk rezulton i regjistruar në një program tjetër studimi;
• CV + Foto.
• Ka të mbrojtur gjuhën e huaj në nivel B1.

Pranimi i studentëve në ciklin e dytë Master i Shkencave në programin “Punë sociale në Sistemin Arsimor”, bëhet mbështetur në kuotat e përcaktuara nga UniBa dhe të miratuara nga MASR, mbi bazë të standardeve të përcaktuara nga MASR, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Dekanit, shqyrtojnë të gjitha aplikimet dhe parashtrojnë për miratim te Dekani i Fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Diplomë Master Shkencor: Punë sociale në Sistemin Arsimor

Tarifa e studimit në programin Master i Shkencavenë “Punë sociale në Sistemin Arsimor” në Universitetin ‘‘Barleti” është ndër më konkurrueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në programin Master i Shkencave në “Punë sociale në Sistemin Arsimor” është 2 vite akademike.

Koha maksimale e studimeve në programin Master i Shkencave në “Punë sociale në Sistemin Arsimor” është 4 vite akademike.

Akordimi i një viti shtesë akademik shoqërohet me aplikimin e një tarife studimi shtesë.