English
Shqip
Diplomë Master Shkencor: Kontabilitet
Programi Master i Shkencave në Kontabilitet – Financë, me profil Kontabilitet, shërben si hapi i parë dhe i rëndësishëm drejt një karriere të suksesshme në fushën akademike dhe të kërkimeve, duke ofruar bazën thelbësor të formimit shkencor në fushën e kontabilitetit. Stafi i pedagogëve i angazhuar në mësimdhënie, i përbërë nga disa prej profesionistëve më të mirë në Shqipëri dhe me përvojë të gjatë në këtë fushë studimi, përbën garanci për cilësinë e procesit të dhënies së dijeve, duke e ndihmuar studentin të përfundojnë me sukses këtë cikël të dytë studimi universitar. Në këtë program studentët do të thellojnë njohuritë në teoritë bashkëkohore të kontabilitetit dhe do të mësojnë nga analiza e rasteve studimore në auditor për tema si: financat e korporatës, sistemet bankare dhe financiare, kontabilitetet dhe analizat financiare të avancuara, standardet ndërkombëtare të kontabilitetit dhe auditimin.
Diplomë Master Shkencor: Kontabilitet
Plani mësimor - Diplomë Master i Shkencave në "Kontabilitet" (PDF)
Diplomë Master Shkencor: Kontabilitet
Studenti që përfundon studimet në “Universiteti Barleti”, në Master i Shkencave në programin Kontabilitet Financë, profili Kontabilitet ka mundësi punësimi në:
- Institucione Akademike (Universitete);
- Kompani publike ose private;
- Organizata jofitimprurëse;
- Konsulent financiar;
- Konsulent fiskal.
Diplomë Master Shkencor: Kontabilitet
Aplikimi për në “Universiteti Barleti” në programet e ciklit të dytë Master i Shkencave bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MARS).
Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Diplomë e ciklit të parë/fotokoje e diplomës e njehtësuar me origjinalin - Diplomë e ciklit të parë përfunduar jashtë shtetit, e shoqëruar me fotokopje të diplomës së njësuar me origjinalin/një dokument zyrtar që është bërë njësimi i diplomës në RSH.
- Vërtetim i listës së notave dhe krediteve.
- Diplomë e Maturës Shtetërore + Çertifikatë e notave/fotokopje e tyre e njehtësuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftëse Pjekurie, në mungesë fotokopje të njehtësuar me origjinalin, konfirmuar nga DAR/ZA.
- Dëshmi e gjuhës së huaj në nivelin B1, sipas përcaktimeve të MASR.
- CV + Foto.
Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.
Diplomë Master Shkencor: Kontabilitet
Tarifa e studimit në Master i Shkencave programi “Financë Kontabilitet” profili “Kontabilitet”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në Master i Shkencave në programin “Financë Kontabilitet” profili “Kontabilitet”është 2 vite akademikë.
Koha maksimale e studimeve në Master i Shkencave në programin “Financë Kontabilitet” profili “Kontabilitet”, është 4 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë Master Shkencor: Kontabilitet
