English
Shqip
Diplomë "Master i Shkencave": Fizioterapi
“Master i Shkencave” në “Fizioterapi” është një program studimi i ciklit të dytë të studimeve, referuar nivelit 7 të Kornizës Shqiptare të Kualifikimeve. Programi ofrohet në gjuhën shqipe dhe angleze.
Misioni i programit “Master i Shkencave” në “Fizioterapi” është të formojë fizioterapistë të aftë të aplikojnë teknika dhe qasje të avancuara terapeutike, të kontribuojnë në përmirësimin e cilësisë së shërbimeve rehabilituese në Shqipëri dhe rajon, si dhe të nxisin zhvillimin e kërkimit shkencor në fushën e fizioterapisë.
Programi synon të përgatisë profesionistë të cilët:
- Përdorin praktikën e bazuar në prova si standard profesional.
- Zotërojnë aftësi të thelluara klinike për menaxhimin e rasteve komplekse.
- Integrojnë teknologjitë moderne në procesin rehabilitues.
- Kontribuojnë në promovimin e shëndetit dhe parandalimin e sëmundjeve.
- Ndjekin standardet evropiane të praktikës dhe etikës profesionale.
Diplomë "Master i Shkencave": Fizioterapi
Diplomë "Master i Shkencave": Fizioterapi
Profesionistët me profil të avancuar në fushën e fizioterapisë kërkohen në:
- Spitale publike dhe private.
- Qendra neurologjike dhe ortopedike.
- Qendra të rehabilitimit pediatrik dhe geriatrik.
- Klinika moderne që përdorin telemjekësinë (telemedicine).
- Projekte ndërkombëtare të rehabilitimit.
Pas përfundimit të studimeve, të diplomuarit mund të punësohen në sektorë të ndryshëm të sistemit shëndetësor publik dhe privat, si:
- Fizioterapistë në institucione kërkimore-shkencore dhe universitete.
- Fizioterapistë në poliklinika publike dhe private, spitale publike dhe private, si dhe studio private të fizioterapisë.
- Qendra të Shërbimit Shëndetësor Publik.
- Qendra të Shërbimit Komunitar Bashkiak.
- Klube sportive dhe institucione të tjera që ofrojnë shërbime rehabilituese.
Diplomë "Master i Shkencave": Fizioterapi
Kandidati që kërkon të ndjekë programin e ciklit të dytë të studimit "Master i Shkencave" në "Fizioterapi" duhet të përmbushë kriteret e përcaktuara në kuadrin ligjor për pranimet në arsimin e lartë, ndër të tjera si më poshtë:
- Të zotërojë një diplomë të vlefshme të përfundimit të studimeve të ciklit të parë “Bachelor” në “Fizioterapi”, së bashku me suplementin, të fituar në Shqipëri ose një diplomë ekuivalente të fituar jashtë vendit, të njehsuar pranë Qendrës së Shërbimeve Arsimore (QSHA).
- Të plotësojë kriteret shtesë të pranimit, sipas përcaktimeve të njësisë bazë dhe miratimit nga Senati Akademik i Universitetit Barleti për çdo vit akademik.
- Të marrë përsipër shlyerjen e tarifës së studimit, sipas marrëveshjes së lidhur ndërmjet institucionit dhe studentit.
- Në rast aplikimi për një program të dytë studimi, kandidati duhet, krahas kritereve të mësipërme, të zotërojë edhe një diplomë të ciklit të parë dhe të ciklit të dytë të studimeve në fushën e fizioterapisë ose një diplomë të ngjashme të fituar brenda ose jashtë vendit, të njehsuar pranë QSHA.
- Kandidatët që aplikojnë në programin e ciklit të dytë “Master i Shkencave” duhet të plotësojnë kriterin e njohjes së gjuhës së huaj, në përputhje me përcaktimet e Udhëzimit nr. 52, datë 03.12.2025, "Për përcaktimin e niveleve të gjuhëve të huaja..." të Ministrisë së Arsimit dhe Sportit (MAS), i ndryshuar, duke zotëruar të paktën Nivelin B1.
Diplomë "Master i Shkencave": Fizioterapi
Tarifa e studimit në programin “Master i Shkencave” në “Fizioterapi” në Universitetin “Barleti” është ndër më konkurrueset në treg, me synimin për t'u ofruar studentëve një mundësi studimi sa më të përballueshme. Likuidimi i tarifës kryhet në 2 këste.
Kohëzgjatja normale e studimeve në programin “Master i Shkencave” në “Fizioterapi” është 2 vite akademike.
Koha maksimale e studimeve në programin “Master i Shkencave” në “Fizioterapi” është 4 vite akademike.
Akordimi i një viti shtesë akademik shoqërohet me aplikimin e një tarife shtesë studimi.
Diplomë "Master i Shkencave": Fizioterapi
