Diplomë "Master i Shkencave": Inteligjencë Artificiale dhe Siguria Kibernetike

Plani mësimor - Diplomë Master Shkencor: "Inteligjencë Artificiale dhe Siguria Kibernetike" (PDF)

Diplomë "Master i Shkencave": Inteligjencë Artificiale dhe Siguria Kibernetike

Programi i studimit Master i Shkencave në “Inteligjencë Artificiale dhe Siguria Kibernetike” do të përgatisë një gjeneratë të re ekspertësh të sigurisë kibernetike që do të diferencohen lehtësisht në tregun e punës me njohuritë e tyre të forta mbi IA dhe sfidat që lindin nga përdorimi i saj. Mundësitë e punësimit për studentët e diplomuar në programin e studimit Master i Shkencave në “Inteligjencë Artificiale dhe Siguria Kibernetike” janë:

• Vlerësues ose projektues i sigurisë;
• Zhvillues i IA;
• Kërkues shkencor ose staf akademik;
• Kërkues ose zhvillues në kompani etj.

Diplomë "Master i Shkencave": Inteligjencë Artificiale dhe Siguria Kibernetike

Aplikimi për të studiuar në Universitetin ‘‘Barleti’’ në programin : "Inteligjencë Artificiale dhe Siguria Kibernetike", në ciklin e dytë Master i Shkencave, bëhet përmes rregullave dhe udhëzimeve të përcaktuar nga Ministria e Arsimit,dhe Sportit (MAS).
Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Diplomë e ciklit të parë/fotokoje e diplomës e njehtësuar me origjinalin - Diplomë e ciklit të parë përfunduar jashtë shtetit, e shoqëruar me fotokopje të diplomës së njësuar me origjinalin/një dokument zyrtar që është bërë njësimi i diplomës në RSH.
• Vërtetim i listës së notave dhe krediteve.
• Diplomë e Maturës Shtetërore + Çertifikatë e notave/fotokopje e tyre e njehtësuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftëse Pjekurie, në mungesë fotokopje të njehtësuar me origjinalin, konfirmuar nga DAR/ZA.
• Dëshmi e gjuhës së huaj në nivelin B1, sipas përcaktimeve të MAS.
• CV + Foto.

Pranimi i studentëve në ciklin e dytë Master i Shkencave në programin "Inteligjencë Artificiale dhe Siguria Kibernetike" bëhet mbështetur në kuotat e përcaktuara nga UB dhe të miratuara nga MAS, mbi bazë të standardeve të përcaktuara nga MAS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Diplomë "Master i Shkencave": Inteligjencë Artificiale dhe Siguria Kibernetike

Tarifa e studimit në programin "Inteligjencë Artificiale dhe Siguria Kibernetike" në Universitetin ‘‘Barleti” është ndër më konkurrueset në treg, pasi synohet ardhja në ndihmë studentëve për t’i dhënë mundësi studimi. 

Likuidimi i tarifës kryhet me 3 këste.

Kohëzgjatja normale e studimeve në ciklin Master i Shkencave është 2 vite akademikë.

Koha maksimale e studimeve në Master i Shkencave në programin "Inteligjencë Artificiale dhe Siguria Kibernetike", është 4 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.