Diplomë "Master Profesional": Marketing dhe Menaxhim Operacionesh

Plani mësimor - Diplomë Master Profesional në "Marketing dhe Menaxhim Operacionesh" (PDF)

Diplomë "Master Profesional": Marketing dhe Menaxhim Operacionesh

Studenti që përfundon studimet në universitetin “Barleti”, në Master Profesional në programin “Marketing dhe Menaxhim Operacionesh” ka mundësi punësimi si:

• menaxher operacional në sektorin publik apo privat, qoftë kompani prodhimi (në të gjitha industritë), apo kompani shërbimi (banka, hotele etj.);
• menaxher linjash prodhimi në kompani publike apo private;
• menaxher i nivelit të mesëm në fushën e marketingut në kompani publike apo private;
• specialist marketingu në agjenci publicitare.

Diplomë "Master Profesional": Marketing dhe Menaxhim Operacionesh

Aplikimi për në universitetin “Barleti” në programet e ciklit të dytë Master Profesional bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MASR).

Në ciklin e dytë të studimeve Master Profesional, pranohet për të ndjekur studimet shtetasi shqiptar ose i huaj që plotëson kriteret e mëposhtme:

• ka përfunduar me sukses studimet dhe është pajisur me diplomë në një program të ciklit të parë, i cili rezulton i liçensuar në momentin e regjistrimit të studentit dhe i akredituar në momentin e diplomimit të studentit; ose
• është diplomuar jashtë vendit në një program të ciklit të parë, të licensuar dhe akredituar. Diploma është e detyrueshme të njesohet pranë MASR/QSHA brenda muajit dhjetor;
• dorëzon të gjithë dokumentacionin e kërkuar sipas udhëzimeve të MASR dhe rregulloret e brendshme të UB-së;
• merr përsipër të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit;
• nuk rezulton i regjistruar në një program tjetër studimi.

Pranimi i studentëve në ciklin e dytë Master Profesional në programin “Marketing dhe Menaxhim Operacionesh” bëhet mbështetur në kuotat e përcaktuara nga UB dhe të miratuara nga MASR, mbi bazën e standardeve të përcaktuara nga MASR, të akteve ligjore e nënligjore dhe rregulloreve të UB-së. Proçesi i pranimit/regjistrimit vijon me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad-hoc të ngritur për çdo program studimi Master me vendim të Dekanit, shqyrtojnë të gjitha aplikimet dhe parashtrojnë për miratim tek Dekani i Fakultetit, vlerësimet e dosjeve të aplikantëve sipas renditjes së pasqyruar në listën e aplikantëve fitues.

Diplomë "Master Profesional": Marketing dhe Menaxhim Operacionesh

Tarifa e studimit në Master Profesional programi “Marketing dhe Menaxhim Operacionesh”, në universitetin “Barleti” është ndër më konkurrueset në treg, pasi synohet t’u vihet në ndihmë studentëve duke u ofruar një mundësi studimi. Likujdimi i tarifës kryhet me 3 këste.

Kohëzgjatja normale e studimeve në Master Profesional në programin “Marketing dhe Menaxhim Operacionesh” është 1 vit akademik.

Koha maksimale e studimeve në Master Profesional në programin “Marketing dhe Menaxhim Operacionesh” është 2 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.