English
Shqip
Diplomë Master Profesional: E drejtë Biznesi
Programi i masterit profesional “E drejtë biznesi” me kohëzgjatje 1-vjeçare është një program që mundëson zgjerimin e dijeve në fushën e legjislacionit tregtar, vendas dhe evropian, duke i mëshuar aspekteve praktike të mësimnxënies në këtë fushë. Programi ofron një shumëllojshmëri lëndësh nga fusha e të drejtës së biznesit, të cilat kanë për qëllim të ndihmojnë, përgatisin dhe kualifikojnë specialistë për ushtrimin e përgjegjësive dhe kompetencave në drejtim të: përvetësimit të teknikave të hartimit të kontratave tregtare, hartimittë dokumenteve të themelimit të shoqërive tregtare dhe këshillimit të vazhdueshëm për organizimin dhe drejtimine shoqërive tregtare, këshillimit për zgjidhjen e mosmarrëveshjeve në rrugë ndërmjetësimi dhe arbitrazhi, rritjes së kapaciteteve për të identifikuar dhe gjetur burimet e financimit të sektorit të biznesit, përmes rrugëve tradicionale dhe atyre më moderne, etj. Qëllimi i këtij programi është që të përgatisë dhe kualifikojë juristët me dije të thelluara në fushën e të drejtës së biznesit, të aftë të ofrojnë këshillim dhe përfaqësim në këtë fushë, t’u mundësojë atyre organizimin si subjekt i veçantë i ushtrimit të një profesionitë lirë që u ofron shërbime juridike për subjekte të ndryshme tregtare; si dhe zhvillojnë aftësitë analizuese e kërkimore, për t’u angazhuar në veprimtarinë studimore.
Diplomë Master Profesional: E drejtë Biznesi
Plani mësimor - Diplomë Master Profesional në "E drejtë Biznesi" (PDF)
Diplomë Master Profesional: E drejtë Biznesi
Studentët të cilët kanë ndjekur studimet në Masterin Profesional E drejtë Biznesi janë të aftë të zhvillojnë karrierën e tyre në:
- subjektet e sektorit bankar ose financiar;
- Studiot ligjore dhe këshillimore vendase apo të huaja;
- Sektorin e tatim–taksave;
- Kompani tregtare vendase apo të huaja;
- Zyra ndërmjetësimi apo arbitrimi, etj.
Diplomë Master Profesional: E drejtë Biznesi
Kriteret
- Kanë përfunduar dhe janë diplomuar në një program të ciklit të parë, i cili rezulton i licensuar në momentin e regjistrimit të studentit dhe i akredituar në momentin e diplomimit të studentit;
- Janë diplomuar jashtë vendit në një program studimi të ciklit të parë, të licensuar dhe akredituar dhe diploma e tyre është njësuar nga MASR/QSHA brenda dhejtorit 2021;
- Kanë përfunduar studime Bachelor në një fakultet me të njëjtën natyrë formimi (emërtimi) si dhe fakulteti i UB-së që mbulon programin e kërkuar;
- Dëshmi e gjuhës së huaj, të paktën në nivelin B1 për programet Master Profesional
Dokumentacion për pranim
- Fotokopje kartë identiteti / pasaportë;
- Fotokoje e diplomës së ciklit të parë e noterizuar / diplomë tjetër studimi e fituar jashtë shtetit dhe e njehsuar nga MASR;
- Vërtetim i listës së notave dhe krediteve / suplementi i diplomës;
- Fotokopje e noterizuar e diplomës së Maturës Shtetërore + Certifikatë e notave, e konfirmuar nga DAR/ZA.
- CV;
- Fotografi;
- Dëshmi e gjuhës së huaj, të paktën në nivelin B1;
- Mandatë pagesa për tarifën e aplikimit të kryer në UMB.
Diplomë Master Profesional: E drejtë Biznesi
Tarifa e studimit në Master Profesional programi “E drejtë Biznesi”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në Master Profesional në programin “E drejtë Biznesi”është 1 vit akademik.
Koha maksimale e studimeve në Master Profesional në programin “E drejtë Biznesi” është 2 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë Master Profesional: E drejtë Biznesi
