English
Shqip
Diplomë Master Profesional: Administrim Publik
Zhvillimi dinamik i sektorit publik kërkon edukimin e një elite të re punonjësish të administratës publike, njohuritë dhe aftësitë e të cilëve, do të garantojnë funksionimin e saj duke iu përshtatur situatave të reja politike, ekonomike dhe sociale të Shqipërisë, që lidhen ngushtë me dëshirën për t'u bërë anëtarë në Evropën e bashkuar. Programi i paraqitur është përgatitur pikërisht për të arritur, jo vetëm njohjen e funksionimit të parimeve administratës publike, por edhe aftësimin praktik mbi metodat e reja të menaxhimit të administratës publike, të njëjta me ato të vendeve perëndimore. Dijet dhe aftësitë e përfituara gjatë procesit mësimor do të kthehen në një avantazh të rëndësishëm për zhvillimin e karrierës profesionale dhe ngritjen në detyrë.
Diplomë Master Profesional: Administrim Publik
Plani mësimor - Diplomë Master Profesional në "Administrim Publik" (PDF)
Diplomë Master Profesional: Administrim Publik
Studenti që përfundon studimet në “Universiteti Barleti”, në Master Profesional në programin Administrim Publik, ka mundësi punësimi në:
- Administratën publike në nivel qendror dhe vendor;
- Organizata jofitimprurëse;
- Banka dhe kompani private, që kanë bashkëpunime me sektorin publik.
Diplomë Master Profesional: Administrim Publik
Aplikimi për në “Universiteti Barleti” në programet e ciklit të dytë Master Profesional bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MARS).
Në ciklin e dytë të studimeve Master Profesional, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Diplomë e ciklit të parë/fotokoje e diplomës e njehtësuar me origjinalin - Diplomë e ciklit të parë përfunduar jashtë shtetit, e shoqëruar me fotokopje të diplomës së njësuar me origjinalin/një dokument zyrtar që është bërë njësimi i diplomës në RSH.
- Vërtetim i listës së notave dhe krediteve.
- Diplomë e Maturës Shtetërore + Çertifikatë e notave/fotokopje e tyre e njehtësuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftëse Pjekurie, në mungesë fotokopje të njehtësuar me origjinalin, konfirmuar nga DAR/ZA.
- CV + Foto.
Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.
Diplomë Master Profesional: Administrim Publik
Tarifa e studimit në Master Profesional programi “Administrim Publik”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në Master Profesional në programin “Administrim Publik”është 1 vit akademik.
Koha maksimale e studimeve në Master Profesional në programin “Administrim Publik” është 2 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë Master Profesional: Administrim Publik
