English
Shqip
Diplomë "Profesionale": Teknik i Sistemeve dhe Rrjetave Kompjuterike
Programi i studimit ofron kualifikime për teknikë të lartë në fushën e sistemeve kompjuterike, administrimit të rrjeteve dhe infrastrukturës së teknologjisë së informacionit. Në përfundim të studimeve, studenti krijon një profil profesional dhe teknik:
- me njohuri të plota teorike dhe praktike për instalimin, konfigurimin, administrimin dhe mirëmbajtjen e sistemeve kompjuterike dhe rrjeteve të komunikimit;
- me aftësi për projektimin, implementimin dhe monitorimin e rrjeteve lokale dhe wireless, duke siguruar funksionim të qëndrueshëm dhe të sigurt të tyre;
- me kompetenca në administrimin e sistemeve operative, serverëve, databazave dhe shërbimeve cloud, si dhe në virtualizimin e infrastrukturës informatike;
- me aftësi për identifikimin, analizimin dhe zgjidhjen e problemeve teknike që lidhen me rrjetet, serverët, sigurinë e informacionit dhe pajisjet e komunikimit;
- me njohuri mbi standardet e sigurisë kibernetike dhe mbrojtjen e infrastrukturës së teknologjisë së informacionit;
- me aftësi për përdorimin e pajisjeve profesionale, mjeteve diagnostikuese dhe platformave të menaxhimit të rrjeteve dhe sistemeve;
- me kompetenca për planifikimin, organizimin dhe dokumentimin e proceseve teknike në mjedise profesionale të teknologjisë së informacionit;
- me aftësi për të punuar në mënyrë të pavarur ose në grup, duke ofruar mbështetje teknike për përdoruesit dhe organizatat;
- me përvojë praktike të fituar gjatë praktikave profesionale dhe projekteve laboratorike, duke u përgatitur për integrim të menjëhershëm në tregun e punës;
- me aftësi komunikimi dhe bashkëpunimi profesional, duke siguruar udhëzime dhe asistencë teknike për përdoruesit dhe personelin e organizatave.
Diplomë "Profesionale": Teknik i Sistemeve dhe Rrjetave Kompjuterike
Plani mësimor - Diplomë "Profesionale": Teknik i Sistemeve dhe Rrjetave Kompjuterike (PDF)
Diplomë "Profesionale": Teknik i Sistemeve dhe Rrjetave Kompjuterike
Diplomimi i studentëve në “Universiteti Barleti” në programin “Teknik i sistemeve dhe i rrjetave kompjuterike” ofron mundësi karriere në:
- Teknik i Rrjeteve Kompjuterike;
- Administrator i Rrjeteve dhe Sistemeve;
- Teknik i Infrastrukturës IT;
- Teknik i Serverëve dhe Virtualizimit;
- Specialist i Mbështetjes Teknike (IT Support);
- Teknik i Sigurisë së Informacionit;
- Administrator i Databazave në nivel teknik;
- Teknik i Shërbimeve Cloud;
- Specialist i Operacioneve të Qendrave të të Dhënave (Data Center Operations);
- Teknik IT në institucione publike, private dhe kompani telekomunikacioni.
Diplomë "Profesionale": Teknik i Sistemeve dhe Rrjetave Kompjuterike
Aplikimi për të studiuar në “Universiteti Barleti” në programin me karakter profesional “Teknik i sistemeve dhe rrjetave kompjuterike”, bëhet përmes rregullave dhe udhëzimeve të përcaktuara nga Ministria e Arsimit (MA).
Aplikantët fillimisht plotësojnë formularët A1/A1Z për t’u bërë pjesë e sistemit.
Aplikimi bëhet në portalin universitar U-Albania.
Përzgjedhja e “Universiteti Barleti” dhe e programit “Teknik i sistemeve dhe rrjetave kompjuterike”, bëhet përmes formularit A2/A3 në periudhat që përcaktohen me udhëzim nga MA.
I gjithë procesi i aplikimit kalon në 3 raunde, të cilat përcaktohen nga MA.
SJELLIM NË VËMENDJE se aplikanti/maturanti mund të bëhet pjesë e UB-së vetëm kur zgjedh UB-në dhe programin “Teknik i sistemeve dhe rrjetave kompjuterike”.
Në programin profesional “Teknik i sistemeve dhe rrjetave kompjuterike”, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë, të ekuivalentuar sipas kritereve të përcaktuara nga MA.
- Të dorëzojë të gjithë dokumentacionin e kërkuar sipas udhëzimeve të MA dhe rregulloreve të brendshme të UB-së.
- Të paguajë tarifën e studimeve sipas kushteve dhe kritereve të përcaktuara në marrëveshjen mes UB-së dhe studentit.
- Të mos rezultojë i regjistruar në një program tjetër studimi.
Pranimi i studentëve në programin profesional “Teknik i sistemeve dhe rrjetave kompjuterike”, bëhet mbështetur në kuotat e përcaktuara nga UB dhe të miratuara nga MA, mbi bazën e standardeve të përcaktuara nga MA, të akteve ligjore e nënligjore dhe rregulloreve të UB-së.
Procesi i pranimit/regjistrimit vijon me nënshkrimin e marrëveshjes dhe përfundon me marrjen e numrit të matrikulimit nga QSHA.
Diplomë "Profesionale": Teknik i Sistemeve dhe Rrjetave Kompjuterike
Tarifa e studimit në programin me karakter profesional “Teknik i sistemeve dhe rrjetave kompjuterike” në “Universiteti Barleti” është ndër më konkurrueset në treg, pasi synohet t’u vihet në ndihmë studentëve duke u krijuar më shumë mundësi për studim. Likuidimi i tarifës kryhet me 3 këste.
Kohëzgjatja normale e studimeve profesionale të programit “Teknik i sistemeve dhe rrjetave kompjuterike” është 2 vite akademikë.
Koha maksimale e studimeve profesionale të programit “Teknik i sistemeve dhe rrjetave kompjuterike” është 4 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë "Profesionale": Teknik i Sistemeve dhe Rrjetave Kompjuterike
