English
Shqip
Diplomë Bachelor: Fizioterapi
Programi i ciklit të parë të studimeve Bachelor në “Fizioterapi” synon të përgatisë profesionistë në fushën e rehabilitimit, të cilët ofrojnë shërbime profesionale rehabilituese individuale dhe në komunitet.
Profesionistët që priten të formohen nëpërmjet këtij program studimi do të jenë të aftë të ushtrojnë profesionin e tyre, në nivel makro, mezo dhe mikro, në shërbim të individëve, familjeve, grupeve, komuniteteve.
Për të hartuar programin e studimit u morën në konsideratë të gjitha kërkesat e detyrimet ligjore që rrjedhin nga legjislacioni i arsimit të lartë në vend, nga legjislacioni i lidhur me ushtrimin e profesioneve të rregulluara por edhe përvoja e programeve ndërkombëtare në fushën e fizioterapisë.
Programi Bachelor në Fizioterapi synon ti pajisë studentët me njohuritë, aftësitë dhe teknikat e nevojshme për të ofruar një llojshmëri shërbimesh për problematika të ndryshme shëndetësore por edhe një varietet teknikash dhe grupe të ndryshme pacientësh. Zhvillimi i aftësive dhe kompetencave profesionale realizohet duke kombinuar aftësimin teorik bazë karakterizues e ndërdisiplinor, aftësimin teknik nëpërmjet një grupi lëndësh të lidhura me teknikat specifike të fizioterapisë dhe aftësimit praktik në qendrat spitalore dhe klinikat, pjesë e rrjetit të bashkëpunëtorëve të UniBa.
Diplomë Bachelor: Fizioterapi
Plani mësimor - Diplomë Bachelor në "Fizioterapi" (Microsoft Excel)
Diplomë Bachelor: Fizioterapi
Në përfundim të programit mësimor studenti aftësohet të:
- Të ketë aftësi të kuptojë nga ana thelbësore dhe aplikative një situatë klinike të fispatologjive të sistemeve, aparateve dhe organeve të ndryshme
- Të njohë problemet klinike kryesore të lidhura me patologjitë e ndryshme në sektorët e mjekësisë rehabilituese
- Të njohë e metodologjitë rehabilituese të ndryshme
- Të hartojë ndërhyrje parandaluese, terapeutike dhe rehabilituese të sëmundjeve në bashkëpunim me ekipet multidisiplinare
- Të përshtasëndërhyrjet terapeutike me diagnozat dhe përshkrimet mjekësore, sipas karakteristikave të pacientit
- Të verifikojë rezultatet e adaptimit të protezave dhe të aparateve të rehabilitimit të diferencuara bazuar në tipin e disabilitetit (motorik, konjitiv
Mundësi punësimi:
- Institucione të ofrimit të shërbimit shëndetësor parësor publike dhe jopublike
- Institucione spitalore publike dhe jopublike
- Institucione arsimore
- Institucione multidisiplinore
- Grupe sportive
- Ofrim shërbimi në komunitet (shtëpi)
- Organizata jofitimprurëse
Diplomë Bachelor: Fizioterapi
Aplikimi për të studiuar në “Universiteti Barleti” në programin “Fizioterapi” në ciklin e parë Bachelor bëhet përmes rregullave dhe udhëzimeve të përcakuar nga Ministria e Arsimit dhe Sportit(MAS).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e programit “Fizioterapi” dhe e “Universiteti Barleti” bëhet përmes formularit A2 në periudhat që përcaktohen me udhëzim nga MAS.
I gjithë procesi i aplikimit kalon në dy raunde të cilat përcaktohen nga MAS.
SJELLIM NË VËMENDJE se aplikanti/maturanti mund të bëhet pjesë e UniBa-së vetëm kur e zgjedh UniBa programin “Fizioterapi”.
Në programin “Fizioterapi”, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MAS).
- Dorëzon të gjithë dokumentacionin e kërkuar në udhëzimet e MAS dhe rregulloret e brendshme të UniBa-së.
- Të paguajë tarifën e studimeve sipas kushteve dhe kritereve të përcaktuar në marrëveshjen mes UniBa-së dhe Studentit.
Pranimi i studentëve në programin “Fizioterapi”, cikli i parë Bachelor bëhet mbështetur në kuotat e përcaktuara nga UniBa dhe të miratuara nga MAS, mbi bazë të standardeve të përcaktuara nga MAS, të akteve ligjore e nënligjore dhe rregulloreve të UniBa-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Diplomë Bachelor: Fizioterapi
Tarifa e studimit në programin “Fizioterapi” në “Universiteti Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në ciklin Bachelor është 3 vite akademikë.
Koha maksimale e studimeve në ciklin Bachelor është 6 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë Bachelor: Fizioterapi
