Për Universitetin “Barleti”, trajtimi i tij si laborator jetësor, do të thotë përdorimi i të gjitha kapaciteteve të kërkimit të akademikëve e studentëve për të zgjidhur probleme e çështje të përgjegjësisë shoqërore dhe të zhvillimit të qëndrueshëm, si nga pikëpamja e infrastrukturës dhe e praktikave në të. Projektet e LL synojnë të japin përgjigje për procese dhe shërbime brenda UniBa-s, për mundësi reale kërkimi dhe punësimi e përfshirjeje si të studentëve dhe të stafit akademik.

Me projektet e LL synohet angazhimi dhe bashkëpunimi mes shumë aktorësh, veç atyre të universitetit edhe partnerë të tjerë jashtë tij, si biznese, komunitete, organizata etj. Qëllimet e LL janë:

• Zgjidhje problemesh të përditshme jetësore;
• Bashkëpunim me partnerë të ndryshëm brenda dhe jashtë Universitetit;
• Përdorim i teknologjive të reja dhe të dhënave sasiore e cilësore të gjeneruara në UniBa;
• Testimi i ideve në kushte reale praktike për të saktësuar zgjidhjet;
• Ndarja e të dhënave dhe analizave në mënyrë të hapur e diskutimi i tyre;
• Përdorimi si raste studimore në vazhdim.