Universiteti “Barleti” mbështet sipërmarrjen dhe inovacionin tek studentët dhe e zhvillon veten si katalizator i tyre. Programet e inkubatorëve të biznesit mbështeten nga UniBa, programe qeveritare dhe ndërkombëtare, me qëllim që të ndihmojë krijimin dhe rritjen e bizneseve të reja duke ju dhënë atyre mbështetjen teknike e drejtimin drejt mundësive financuese, me shërbimet e duhura.

Veç inkubatorëve që i shërbejnë bizneseve të reja në fazën e foshnjërisë së tyre, UniBa zhvillon dhe akseleratorët si një drejtues për bizneset që kalojnë nga adoleshenca në rritje të shpejtë duke shfrytëzuar partneritetet me industritë.
Pra inkubatorët, akseleratorët, hapësirat bashkëpunuese, janë mjete të lidhura me elementët e tjerë dhe iniciativat që UniBa ka kultivuar brenda tij si startup-et dhe spin-off-et.

Inkubatorët janë të formave të ndryshme dhe janë shkolla biznesi, prandaj UniBa i zhvillon ato në mbështetje të kulturës së sipërmarrjes që ajo edukon tek studentët e profesionistët e rinj.