Aplikimi

#Zgjidh UNIBA

Si të aplikojmë dhe regjistrohemi në një program Bachelor ose me karakter profesional?

Raundi I
Hapi i parë → Plotësoni formularin A1 ose A1Z në portalin www.matura.qsha.gov.al.
Hapi i dytë → Brenda periudhës 10-27 korrik 2023 kryeni pagesën e tarifës së aplikimit 2,000 lekë në zyrat e Postës së Shqipërisë ose në bankat e nivelit të dytë.
Hapi i tretë → Brenda periudhës 29 korrik – 3 gusht 2023 kandidati aplikon në portalin U-Albania http://ualbania.arsimi.gov.al dhe zgjedh programet e Universitetit “Barleti” si preferencë të parë.
Hapi i katërt → Brenda periudhës 31gusht – 11shtator 2023 kandidati regjistrohet pranë Universitetit “Barleti”.

Raundi II
Hapi i parë → Plotësoni formularin A1 ose A1Z në portalin www.matura.qsha.gov.al.
Hapi i dytë → Brenda periudhës 29 Gusht – 14 shtator 2023 kryeni pagesën e tarifës së aplikimit 2,000 lekë në zyrat e Postës së Shqipërisë ose në bankat e nivelit të dytë.
Hapi i tretë → Brenda periudhës 15-17 shtator 2023 kandidati aplikon në portalin U-Albania http://ualbania.arsimi.gov.al dhe zgjedh programet e Universitetit “Barleti” si preferencë të parë.
Hapi i katërt → Brenda periudhës 22 shtator – 01 tetor 2023 kandidati regjistrohet pranë Universitetit “Barleti”.

SJELLIM NË VËMENDJE se aplikanti/maturanti mund të bëhet pjesë e Universitetit “Barleti” si vetëm kur e zgjedh Universitetit “Barleti” si preferencë në programet që institucioni ofron.

Konkursi në programin “Edukim Fizik e Sporte” në ciklin e parë Bachelor:
Për t’u regjistruar në programin “Edukim Fizik e Sporte” në ciklin e parë Bachelor, aplikanti merr pjesë në testin fizik që zhvillohet në:

• Datat: 22-23 gusht 2023
• Ora: 09:00 – 14:00
• Vendin: Kampusi nr. 2 i Universitetit “Barleti”, Rruga “Frang Bardhi”, Selitë

Dokumentacion mbështetës për testim në programin “Edukim Fizik e Sporte”:

• Letërnjoftim / Pasaportë.
• Kartelë Mjekësore, Klinika Rusi

Si zhvillohet testi fizik për t’u pranuar në programin e “Edukimit Fizik e Sporte”?
Për të mësuar më shumë për testin e pranimit në programin “Edukim Fizik e Sporteve” njihuni me:

• Rregulloren e testimit;
• Testi i pranimit.

Si të aplikojmë në një program Master?
Pranimet për programet në ciklin e dytë të studimeve Master i Shkencave dhe Master Profesional bëhet vetëm një herë në vit dhe në periudhën e përcaktuar nga MAS. Për këto studime mund të aplikojnë individët që plotësojnë kriteret për të kryer studimet Master, përcaktuar nga Ministria e Arsimit dhe Sporti rregulloret e programeve Master në Universitetin “Barleti”.

Aplikimi për programet Master kryhet në periudhën 01shtator 04 tetor 2023 pranë Sekretarisë së Universitetit “Barleti”.

Kriteret e pranimit për programet me karakter profesional
Për aplikim në të gjitha programet me karakter profesional në Universitetin “Barleti” nota mesatare e studimeve të arsimit të lartë të mesëm si përllogaritje e mbështetur në Vendimin e Këshillit të Ministrave, nuk përbën kriter hyrës.

Kriteret e pranimit për programet e ciklit të parë Bachelor
Kriteri i pranimit për aplikim në të gjitha programet e ciklit të parë Bachelor në Universitetin “Barleti” është nota mesatare e studimeve të arsimit të lartë të mesëm, përcaktuar si nivel dhe mënyrë llogaritje sipas vendimit të Këshillit të Ministrave.
Për programin “Edukim Fizik e Sporte” nuk ka kriter note mesatare dhe kriter hyrës është edhe konkursi i pranimit.

Kriteret e pranimit për programet e ciklit të dytë Master
Kriteri i pranimi për aplikim në të gjitha programet e ciklit të dytë Master në Universitetin “Barleti” do të jetë ai i vlerësimit të aftësisë të aplikantit në fushën e studimit në formimin pararendës në ciklin e parë Bachelor, ose mbi bazë të aftësive dhe kërkesave të vendit të punës ku është i punësuar aplikanti. Kjo aftësi gjykohet nga një komision specialistësh nga departamenti që mbulon programin përkatës të studimit në UniBa dhe certifikohet nga Dekani i Fakultetit.

Për më shumë informacion, lutemi kontaktoni me Zyrën e Pranimit dhe Regjistrimit:
Cel. 069 20 41 222
@ [email protected] / [email protected] / [email protected]