English
Shqip
Diplomë Master Shkencor: Psikologji Shkollore dhe Zhvillimi
Programi Master i Shkencave në “Psikologji Shkollore dhe Zhvillimi” synon të përgatisë psikologë shkollorë, të cilët me njohuritë dhe aftësitë e tyre u përgjigjen nevojave të nxënësve, mësuesve, prindërve dhe të gjithë grupeve të interesit të përfshirë në kontekstin edukativ dhe çështjeve të zhvillimit njerëzor në Shqipëri. Programi është përgatitur në përputhje me nevojat e kohës dhe për t’iu përgjigjur aspiratave për një shërbim psikologjik të përshtatshëm, jo vetëm me nevojat e individëve dhe shoqërisë, por mbi të gjitha, duke respektuar standardet evropiane të profesionit të psikologut. Ai është bazuar në përvojat më të mira kombëtare dhe botërore dhe u përgjigjet nevojave të tregut.
Programi synon të aftësojë psikologë me koncepte teorike e metodologjike për vlerësimin, trajnimin dhe trajtimin psikologjik të çështjeve të caktuara të zhvillimit dhe integrimit në mjedisin edukativ (çerdhe, kopshte dhe shkollë). Programi i studimeve, u ofron studentëve dije, njohuri dhe ekspertizë të konsiderueshme për një punë të thelluar kërkimore e aplikative, për një punë të kualifikuar në planifikim, analizë dhe menaxhim të rasteve të caktuara, të vjela nga përvoja e stafit akademik dhe nga specialistët e institucioneve me të cilët UniBa ka marrëveshje bashkëpunimi dhe që do të jenë të përfshirë në mënyrë shumë aktive në këtë program.
Diplomë Master Shkencor: Psikologji Shkollore dhe Zhvillimi
Plani mësimor - Diplomë Master i Shkencave në "Psikologji Shkollore dhe Zhvillimi" (PDF)
Diplomë Master Shkencor: Psikologji Shkollore dhe Zhvillimi
Studentët të cilët kanë përfunduar studimet në programin ”Master i Shkencave në “Psikologji Shkollore dhe Zhvillimi”kanë mundësi punësimi në:
- çerdhe ekopshte;
- shkolla të nivelit parauniversitar dhe universitar;
- qendra të zhvillimit, vlerësimit dhe diagnostikimit psikologjik;
- qendra shëndetësore;
- institucione private trajtimit psikologjik, klinika etj
Diplomë Master Shkencor: Psikologji Shkollore dhe Zhvillimi
Aplikimi për në Universitetin “Barleti” në programet e ciklit të dytë Master i Shkencave bëhet përmes rregullave dhe udhëzimeve të përcaktuara nga Ministria e Arsimit, Sportit dhe Rinisë (MASR).
Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Ka përfunduar me sukses studimet dhe është pajisur me diplomë në një program të ciklit të parë, i cili rezulton i licencuar në momentin e regjistrimit të studentit dhe i akredituar në momentin e diplomimit të studentit oseështë diplomuar jashtë vendit në një program të ciklit të parë, të licencuar dhe akredituar. Diploma është e detyrueshme të njehsohet pranë MASR/QSHA brenda muajit dhjetor;
- Dorëzon të gjithë dokumentacionin e kërkuar sipas udhëzimeve të MASR dhe rregulloret e brendshme të UB-së;
- Merr përsipër të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit;
- Nuk rezulton i regjistruar në një program tjetër studimi;
- CV + Foto.
- Ka të mbrojtur gjuhën e huaj në nivel B1.
Pranimi i studentëve në ciklin e dytë Master i Shkencave në programin “Psikologji Shkollore dhe Zhvillimi”, bëhet mbështetur në kuotat e përcaktuara nga UniBa dhe të miratuara nga MASR, mbi bazë të standardeve të përcaktuara nga MASR, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Komisionet ad hoc të ngritur për çdo program studimi Master me vendim të Dekanit, shqyrtojnë të gjitha aplikimet dhe parashtrojnë për miratim te Dekani i Fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.
Diplomë Master Shkencor: Psikologji Shkollore dhe Zhvillimi
Tarifa e studimit në programin Master i Shkencavenë “Psikologji Shkollore dhe Zhvillimi”në Universitetin ‘‘Barleti” ështëndër më konkurrueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në programin Master i Shkencave në “Psikologji Shkollore dhe Zhvillimi”është 2 vite akademike.
Koha maksimale e studimeve në programin Master i Shkencave në “Psikologji Shkollore dhe Zhvillimi”është 4 vite akademike.
Akordimi i një viti shtesë akademik shoqërohet me aplikimin e një tarife studimi shtesë.
Diplomë Master Shkencor: Psikologji Shkollore dhe Zhvillimi
