Diplomë "Master i Shkencave": Politika Evropiane dhe Administrim Publik

Plani mësimor - Diplomë Master i Shkencave në "Politika Evropiane dhe Administrim Publike" (PDF)

Diplomë "Master i Shkencave": Politika Evropiane dhe Administrim Publik

Në përfundim të studimeve, studenti pajiset me diplomë dhe suplementin e diplomës, të miratuara nga Ministria e Arsimit dhe Sportit. Mundësitë e punësimit për të sapo diplomuarit në programin e studimit “Master i Shkencave” në “Studime Evropiane” janë:

• Institucionet akademike;
• Institucionet kërkimore – shkencore;
• Administrata publike;
• Organizatat ndërkombëtare;
• Organizatat jo-qeveritare që mbulojnë çështje të integrimit evropian.

Diplomë "Master i Shkencave": Politika Evropiane dhe Administrim Publik

Pranimi në programet e studimit të ciklit të dytë “Master i Shkencave” të “Universitetit Barleti” realizohet në përputhje me legjislacionin e arsimit të lartë, rregullat dhe udhëzimet përkatëse të Ministrisë së Arsimit dhe Sportit (MAS).

Në programet e studimit të ciklit të dytë “Master i Shkencave” pranohen për të ndjekur studimet shtetasit shqiptarë ose të huaj që përmbushin kriteret e mëposhtme:

• vërtetojnë me një dokument zyrtar (Diplomë) mbarimin e studimeve të ciklit të parë “Bachelor” në një IAL brenda ose jashtë vendit, ekuivalentuar sipas kritereve të përcaktuara nga Ministria përgjegjëse për arsimin e lartë;
• zotërojnë vërtetim të listës së notave dhe krediteve /suplementin e diplomës;
• vërtetojnë me një dokument zyrtar (Dëshmi të gjuhës) njohjen e njërës prej pesë gjuhëve të huaja të Bashkimit Europian (anglisht, frengjisht, gjermanisht, italisht, spanjisht), të paktën në nivelin B1, sipas përcaktimeve të MAS. Nëse kandidati ka fituar një diplomë të një programi studimi të kryer në një nga këto gjuhë, diploma e fituar shërben si dëshmi për plotësimin e këtij kriteri. Niveli i njohjes së gjuhës së huaj përcaktohet sipas akteve nënligjore, Udhëzimit Nr.52, datë 03.12.2015 “Për përcaktimin e niveleve të gjuhëve të huaja dhe të testeve ndërkombëtare, për pranimet në programet e studimit të ciklit të dytë, në institucionet e arsimit të lartë, ndryshuar me Udhëzimin nr 10, datë 16.06.2023;
• vërtetojnë me dokumente zyrtare transferimin nga një shkollë universitare publike ose jo publike, brenda ose jashtë vendit;
• disponojnë kartë identiteti/ pasaportë të vlefshme;
• disponojnë Jetëshkrim (CV) + 2 (dy) fotografi dokumenti;
• pranojnë të paguajnë tarifën e studimit.

Gjithashtu, një tjetër kriter pranimi për aplikim në këtë program studimi do të jetë ai i vlerësimit të aftësisë të aplikantit në fushën e studimit në formimin pararendës në ciklin e parë “Bachelor’, ose mbi bazë të aftësive dhe kërkesave të vendit të punës ku është i punësuar aplikanti. Kjo aftësi gjykohet nga një komision specialistësh nga departamenti që mbulon programin përkatës të studimit në UniBa dhe certifikohet nga Dekani i Fakultetit. 

Pranimi i studentëve bëhet bazuar në kuotat e përcaktuara nga UniBa dhe të miratuara nga MAS, në përputhje me standardet e përcaktuara nga MAS, aktet ligjore e nënligjore në fuqi dhe rregulloret e UniBa. Procesi i pranimit/ regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA. 

Diplomë "Master i Shkencave": Politika Evropiane dhe Administrim Publik

Tarifa e studimit në programin e studimit “Master i Shkencave” në “Studime Evropiane”, me profil “Politika Evropiane dhe Administrim Publik”, të ofruar nga “Universiteti Barleti”, është ndër më konkurrueset në treg, pasi synohet akses më i madh në arsimin e lartë për të gjithë të interesuarit duke ofruar mundësi të favorshme financiare. Likuidimi i tarifës së studimit kryhet me 3 (tre) këste.

Kohëzgjatja normale e programit të studimit është 2 (dy) vite akademike. Akordimi i një viti shtesë akademik shoqërohet me aplikimin e një tarife studimi shtesë. Ndërkaq, kohëzgjatja maksimale e studimeve, pa marrë në konsideratë periudhën e pezullimit, është 4 (katër) vite akademike.