Diplomë "Bachelor": Informatikë e Aplikuar

Plani mësimor - Diplomë Bachelor në "Informatikë e Aplikuar" (PDF)

Diplomë "Bachelor": Informatikë e Aplikuar

Mundësitë e punësimit për studentët që diplomohen në programin Bachelor në ‘‘Informatikë e Aplikuar’’, janë të shumta për vetë natyrën e kudo ndodhur të teknologjisë së informacionit. Duke qenë se teknologjia e informacionit është një sektor i cili ka nevojë të vazhdueshme për prurje të reja në nivel global, formimi i specialistëve të fushës së IT shikohet si një çështje e qenësishme për plotësimin e këtyre nevojave. Teknologjia e informacionit është një industri e madhe ndërkombëtare dhe kërkesa për zbatim të tij në sektorë të ndryshëm po rritet edhe më shumë.

Studentët pas diplomimit mund të punësohen në sektorët e teknologjisë së informacionit në kompani të ndryshme që kanë të bëjnë me:

• prodhimin e softuerëve te ndryshme, pranë bizneseve të ndryshme në sektorin privat;
• zbatimin e sistemeve të informacionit për palë të treta;
• sistemin bankar;
• sistemin shëndetësor;
• sistemin e transportit;
• biznesin elektronik;
• turizmin;
• prodhimin;
• drejtoritë apo sektorët e teknologjisë së informacionit në organet e qeverisjes vendore (bashki, komuna) etj.

Diplomë "Bachelor": Informatikë e Aplikuar

Aplikimi për të studiuar në Universitetin ‘‘Barleti’’ në programin ‘‘Informatikë e Aplikuar’’, në ciklin e parë Bachelor bëhet përmes rregullave dhe udhëzimeve të përcaktuar nga Ministria e Arsimit, Sportit dhe Rinisë (MARS).

Aplikantët fillimisht plotësojnë formularët A1/A1Z që të bëhen pjesë e sistemit.

Aplikimi bëhet në portalin e Maturës Shtetërore: http://matura.qsha.gov.al

Përzgjedhja e programit ‘‘Informatikë e Aplikuar’’ dhe e Universitetit “Barleti” bëhet përmes formularit A2 në periudhat që përcaktohen me udhëzim nga MASR.

I gjithë procesi i aplikimit kalon në dy raunde të cilat përcaktohen nga MASR.

SJELLIM NË VËMENDJE se aplikanti/maturanti mund të bëhet pjesë e UniBa-s vetëm kur e zgjedh UniBa-n dhe programin ‘‘Informatikë e Aplikuar’’.

Në programin ‘‘Informatikë e Aplikuar’’, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
• Dorëzon të gjithë dokumentacionin e kërkuar në udhëzimet e MARS dhe rregulloret e brendshme të UniBa-s.
• Të paguajë tarifën e studimeve sipas kushteve dhe kritereve të përcaktuar në marrëveshjen mes UniBa-s dhe Studentit.

Pranimi i studentëve në programin ‘‘Informatikë e Aplikuar’’, cikli i parë Bachelor bëhet mbështetur në kuotat e përcaktuara nga UniBa dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Diplomë "Bachelor": Informatikë e Aplikuar

Tarifa e studimit në programin ‘‘Informatikë e Aplikuar’’ në Universitetin ‘‘Barleti” është ndër më konkurrueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në ciklin Bachelor është 3 vite akademike.

Koha maksimale e studimeve në ciklin Bachelor është 6 vite akademike.

Akordimi i një viti shtesë akademik shoqërohet me aplikimin e një tarife studimi shtesë.