Diplomë Bachelor në Drejtësi
Programi i studimeve në Drejtësi mundëson një njohje të konsoliduar të themeleve të kulturës juridike vendase dhe evropiane, si në planin historik, edhe në atë doktrinar e praktik. Ky program mundëson studimin e të drejtës publike e private, duke zhvilluar aftësitë interpretuese të nevojshme për zgjidhjen e problemeve në zbatimin e të drejtës.
Diplomë Bachelor në Drejtësi
Diplomë Bachelor në Drejtësi
Diplomimi i studentëve në SHLUJ “Universiteti Marin Barleti” në programin “Drejtësi” ju ofron mundësi të shumta karriere si:
- Jurist në administratën publike;
- Jurist në sektorin publik dhe privat;
- Asistent jurist në zyra të ndryshme juridike;
- Jurist në organizata qeveritare dhe joqeveritare.
Diplomë Bachelor në Drejtësi
Aplikimi për të studiuar në SHLUJ “Universiteti Marin Barleti” në programin “Drejtësi” në ciklin e parë Bachelor bëhet përmes rregullave dhe udhëzimeve të përcakuar nga Ministria e Arsimit, Sportit dhe Rinisë (MARS).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e programit “Drejtësi” dhe e SHLUJ “Universiteti Marin Barleti” bëhet përmes formularit A2 në periudhat që përcaktohen me udhëzim nga MASR.
I gjithë procesi i aplikimit kalon në dy raunde të cilat përcaktohen nga MASR.
SJELLIM NË VËMENDJE se aplikanti/maturanti mund të bëhet pjesë e UMB-së vetëm kur e zgjedh UMB-në programin “Drejtësi”.
Në programin “Drejtësi”, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
- Dorëzon të gjithë dokumentacionin e kërkuar në udhëzimet e MARS dhe rregulloret e brendshme të UMB-së.
- Të paguajë tarifën e studimeve sipas kushteve dhe kritereve të përcaktuar në marrëveshjen mes UMB-së dhe Studentit.
Pranimi i studentëve në programin “Drejtësi”, cikli i parë Bachelor bëhet mbështetur në kuotat e përcaktuara nga UMB dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UMB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Diplomë Bachelor në Drejtësi
Tarifa e studimit në programin “Drejtësi” në SHLUJ “Universiteti Marin Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në ciklin Bachelor është 3 vite akademikë.
Koha maksimale e studimeve në ciklin Bachelor është 6 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Apliko Online
