Diplomë "Master i Shkencave": Mësuesi në Edukim Fizik e Sporte

Plani mësimor - Diplomë Master i Shkencave në ‘‘Mësuesi në Edukim Fizik dhe Sporte’’ (PDF)

Diplomë "Master i Shkencave": Mësuesi në Edukim Fizik e Sporte

Studentët të cilët kanë përfunduar studimet në programin Master i Shkencave në ‘‘Mësuesi në Edukim Fizik dhe Sporte’’ kanë mundësi punësimi:

• në sektorin e arsimit dhe në mësimdhënie në ciklin fillor dhe para universitar, shkolla publike dhe private;
• si drejtues në ekipet e moshave shkollore;
• në institucione vendimmarrëse sportive;
• në administratën publike qendrore ose lokale ku hartohen politikat publike mbi sportet;
• në sektorë, institucione e qendra të shërbimeve rehabilituese për individë me nevoja e  probleme të veçanta fizike dhe shëndetësore.

Diplomë "Master i Shkencave": Mësuesi në Edukim Fizik e Sporte

Aplikimi për në Universitetin “Barleti” në programet e ciklit të dytë Master i Shkencave bëhet përmes rregullave dhe udhëzimeve të përcaktuara nga Ministria e Arsimit, Sportit dhe Rinisë (MASR).

Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• La përfunduar me sukses studimet dhe është pajisur me diplomë në një program të ciklit të parë, i cili rezulton i licencuar në momentin e regjistrimit të studentit dhe i akredituar në momentin e diplomimit të studentit ose është diplomuar jashtë vendit në një program të ciklit të parë, të licencuar dhe akredituar. Diploma është e detyrueshme të njehsohet pranë MASR/QSHA brenda  muajit dhjetor;
• Dorëzon të gjithë dokumentacionin e kërkuar sipas udhëzimeve të MASR dhe rregulloret e brendshme të UB-së;
• Merr përsipër të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit;
• Nuk rezulton i regjistruar në një program tjetër studimi;
• CV + Foto.
• Ka të mbrojtur gjuhën e huaj në nivel B1.

Pranimi i studentëve në ciklin e dytë Master i Shkencave në programin “Mësuesi në Edukim Fizik e Sporte” bëhet mbështetur në kuotat e përcaktuara nga UniBa dhe të miratuara nga MASR, mbi bazë të standardeve të përcaktuara nga MASR, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Dekanit, shqyrtojnë të gjitha aplikimet dhe parashtrojnë për miratim te Dekani i Fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Diplomë "Master i Shkencave": Mësuesi në Edukim Fizik e Sporte

Tarifa e studimit në programin Master i Shkencave në ‘‘Mësuesi në Edukim Fizik dhe Sporte’’ në Universitetin ‘‘Barleti” është ndër më ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në programin Master i Shkencave në ‘‘Mësuesi në Edukim Fizik dhe Sporte’’ është 2 vite akademike.

Koha maksimale e studimeve në programin Master i Shkencave në ‘‘Mësuesi në Edukim Fizik dhe Sporte’’ është 4 vite akademike.

Akordimi i një viti shtesë akademik shoqërohet me aplikimin e një tarife studimi shtesë.