English
Shqip
Diplomë Master Shkencor: * Arkitekturë (5 vjet - Program i Integruar)
Filozofia e punës sonë ka si synim përgatitjen e gjeneratave të ardhshme të arkitektëve, ndërtuesve dhe urbanistëve. Ne vlerësojmë rëndësinë e analizave specifike profesionale, kërkesave të tregut dhe mundësive për një zhvillim të qëndrueshëm, dhe bazuar në to, planifikojmë një edukim të lartë të integruar dhe shumëdisiplinor.
Formimi i arkitektëve duhet të përfshijë aftësitë profesionale dhe teknike për të menaxhuar në tërësi procesin ndërtimor të një objekti në çdo shkallë. Njohja e thellë e kontekstit, në të cilin ata operojnë dhe integrojnë veprat e tyre, është shtylla kurrizore e formimit bazë
Programi ynë i Integruar i Arkitekturës synon të formojë arkitektë të aftë dhe të përgatitur për sfidat e sotme dhe të ardhshme. Përmes studimeve të gjata 5-vjeçare, studentët marrin njohuri të thella për disiplina teknike dhe specifike të sektorit të ndërtimeve, si dhe sektorëve që ndërthurën ambientin e ndërtuar me zhvillimin urban të qëndrueshëm.
Ne besojmë në fuqinë e arkitekturës për të ndryshuar dhe përmirësuar jetën tonë dhe mjedisin në të cilin jetojmë. Përmes vizionit tonë inovativ dhe fokusit në cilësi, ne synojmë të ndërtojmë një brez të arkitektëve të talentuar dhe të ndërgjegjshëm që do të kontribuojnë në krijimin e hapësirave të bukura dhe funksionale për njerëzimin.
Diplomë Master Shkencor: * Arkitekturë (5 vjet - Program i Integruar)
Plani mësimor - Diplomë Master i Shkencave në "Arkitekturë (5 vjet - Program i Integruar)" (PDF)
Diplomë Master Shkencor: * Arkitekturë (5 vjet - Program i Integruar)
Studenti që përfundon studimet në “Universiteti Barleti”, në programin Arkitekturë ka mundësi punësimi në:
- Studio Projektimi (Projektues, Dizajner, Përpunues grafik);
- Firma Ndërtimi (Projektues, Arkitekt Kantieri);
- Mësimdhënie (Kërkim Shkencor);
- Administratë Publike (Bashki, Ministri, Agjenci, Hipoteke, ALUIZNI etj);
- Organizata ndërkombetare;
- Organizata Jofitimprurëse.
Diplomë Master Shkencor: * Arkitekturë (5 vjet - Program i Integruar)
Aplikimi për të studiuar në “Universiteti Barleti” në Programin e Integruar Master i Shkencave në “Arkitekturë” bëhet përmes rregullave dhe udhëzimeve të përcakuar nga Ministria e Arsimit, Sportit dhe Rinisë (MARS).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e programit “Arkitekturë” dhe e “Universiteti Barleti” bëhet përmes formularit A2 në periudhat që përcaktohen me udhëzim nga MASR.
I gjithë procesi i aplikimit kalon në dy raunde të cilat përcaktohen nga MASR.
SJELLIM NË VËMENDJE se aplikanti/maturanti mund të bëhet pjesë e UB-së vetëm kur e zgjedh UB-në programin e “Arkitekturë”.
Në programin e Integruar Master i Shkencave në “Arkitekturë”, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
- Dorëzon të gjithë dokumentacionin e kërkuar në udhëzimet e MARS dhe rregulloret e brendshme të UB-së.
- Të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit.
Diplomë Master Shkencor: * Arkitekturë (5 vjet - Program i Integruar)
Tarifa e studimit në Programin e Integruar Master i Shkencave në “Arkitekturë”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në Programin e Integruar Master i Shkencave është 5 vite akademikë.
Koha maksimale e studimeve në Programin e Integruar Master i Shkencave në “Arkitekturë”, është 10 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Diplomë Master Shkencor: * Arkitekturë (5 vjet - Program i Integruar)
