Diplomë Master Profesional: Mësuesi në Edukim Fizik dhe Sporte

Plani mësimor - Diplomë Master Profesional në "Mësuesi në Edukim Fizik dhe Sporte" (PDF)

Diplomë Master Profesional: Mësuesi në Edukim Fizik dhe Sporte

Studentët të cilët kanë ndjekur studimet në programin Master Profesional në ‘‘Mësuesi në Edukim Fizik dhe Sporte’’ kanë mundësi punësimi:

• si mësues i lëndës “Edukim Fizik e Sporte” në shkollat e arsimit bazë dhe të mesëm të lartë (gjimnaze dhe shkolla profesionale);
• si drejtues në ekipet e moshave;
• në institucionet e qeverisjes lokale dhe qendrore që lidhen me vendimmarrjen sportive;
• në organizata private si: palestra, klube apo federata sportive;
• në institucione rehabilituese për individë me nevoja e probleme të veçanta fizike dhe shëndetësore.

Diplomë Master Profesional: Mësuesi në Edukim Fizik dhe Sporte

Aplikimi për të studiuar në Universitetin ‘‘Barleti’’ në programet e ciklit të dytë Master Profesional bëhet përmes rregullave dhe udhëzimeve të përcaktuara nga Ministria e Arsimit, Sportit dhe Rinisë (MARS).

Në ciklin e dytë të studimeve Master Profesional, pranohet për të ndjekur studimet shtetasi shqiptar ose i huaj që plotëson kriteret e mëposhtme:

• Zotëron diplomën e ciklit të parë të studimeve/fotokopje e diplomës e njehsuar me origjinalin (diploma e ciklit të parë të studimeve lëshuar nga institucionet e huaja të arsimit të lartë jashtë vendit, e shoqëruar me fotokopje të diplomës së njësuar me origjinalin, duhet të njësohet sipas  ligjeve të RSH).
• Zotëron vërtetimin e  listës së notave dhe krediteve.
• Zotëron diplomën e Maturës Shtetërore + Certifikatë e notave/fotokopje e tyre e njehsuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftese Pjekurie, në mungesë fotokopje të njehsuar me origjinalin, konfirmuar nga DAR/ZA.
• CV + Foto.

Pranimi i studentëve në ciklin e dytë Master Profesional në programin ‘‘Mësuesi në Edukim Fizik dhe Sporte’’ bëhet mbështetur në kuotat e përcaktuara nga UniBa dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Diplomë Master Profesional: Mësuesi në Edukim Fizik dhe Sporte

Tarifa e studimit në programin Master Profesional në ‘‘Mësuesi në Edukim Fizik dhe Sporte’’ në Universitetin ‘‘Barleti” është ndër më ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në programin Master Profesional në ‘‘Mësuesi në Edukim Fizik dhe Sporte’’ është 1 vit akademik.

Koha maksimale e studimeve në programin Master Profesional në ‘‘Mësuesi në Edukim Fizik dhe Sporte’’ është 2 vite akademike.

Akordimi i një viti shtesë akademik shoqërohet me aplikimin e një tarife studimi shtesë.