Diplomë Master Profesional: Mësimdhënia dhe të Nxënët

Plani mësimor - Diplomë Master Profesional në "Mësimdhënia dhe të Nxënit" (PDF)

Diplomë Master Profesional: Mësimdhënia dhe të Nxënët

Studentët të cilët kanë ndjekur studimet në programin Master Profesional në Edukim me profil ‘‘Mësimdhënia dhe të Nxënët’’ kanë mundësi punësimi:

• si mësues në të gjitha profilet në institucionet parashkollore;
• si mësues në shkolla të arsimit bazë dhe të mesëm të lartë (gjimnaze dhe shkolla profesionale);
• në institucionet e qeverisjes lokale dhe qendrore të arsimit lidhur me zhvillimin dhe politikbërjen arsimore.

Diplomë Master Profesional: Mësimdhënia dhe të Nxënët

Aplikimi për të studiuar në Universitetin ‘‘Barleti’’ në programet e ciklit të dytë Master Profesional bëhet përmes rregullave dhe udhëzimeve të përcaktuara nga Ministria e Arsimit, Sportit dhe Rinisë (MARS).

Në ciklin e dytë të studimeve Master Profesional, pranohet për të ndjekur studimet shtetasi shqiptar ose i huaj që plotëson kriteret e mëposhtme:

• Zotëron diplomën e ciklit të parë të studimeve/fotokopje e diplomës e njehsuar me origjinalin (diploma e ciklit të parë të studimeve lëshuar nga institucionet e huaja të arsimit të lartë jashtë vendit, e shoqëruar me fotokopje të diplomës së njësuar me origjinalin, duhet të njësohet sipas  ligjeve të RSH).
• Zotëron vërtetimin e  listës së notave dhe krediteve.
• Zotëron diplomën e Maturës Shtetërore + Certifikatë e notave/fotokopje e tyre e njehsuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftese Pjekurie, në mungesë fotokopje të njehsuar me origjinalin, konfirmuar nga DAR/ZA.
• CV + Foto.

Pranimi i studentëve në ciklin e dytë Master Profesional në programin Edukim me profil ‘‘Mësimdhënia dhe të Nxënët’’ bëhet mbështetur në kuotat e përcaktuara nga UniBa dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Diplomë Master Profesional: Mësimdhënia dhe të Nxënët

Tarifa e studimit në programin Master Profesional në Edukim me profil ‘‘Mësimdhënia dhe të Nxënët’’ në Universitetin ‘‘Barleti” është ndër më ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në programin Master Profesional në Edukim me profil ‘‘Mësimdhënia dhe të Nxënët’’ është 1 vit akademik.

Koha maksimale e studimeve në programin Master Profesional në Edukim me profil ‘‘Mësimdhënia dhe të Nxënët’’ është 2 vite akademike.

Akordimi i një viti shtesë akademik shoqërohet me aplikimin e një tarife studimi shtesë.