Diplomë Bachelor: Edukim Fizik dhe Sporte

Plani mësimor - Diplomë Bachelor në "Edukim Fizik dhe Sporte" (PDF)

Diplomë Bachelor: Edukim Fizik dhe Sporte

Diplomimi i studentëve në  Universitetin ‘‘Barleti” në programin ‘‘Edukim Fizik dhe Sporte’’ ofron mundësi të shumta karriere si:

• mësues në institucione arsimore publike dhe private që ofrojnë programe të Edukimit Fizik e Sporteve;
• specialist në media në lidhje me fushën e sporteve (gazetar, analist, opinionit, etj.);
• trajner në disiplina të ndryshme sportive;
• specialist fitnesi dhe aktivitetesh sportive;
• organizator eventesh dhe aktivitetesh sportive;

Diplomë Bachelor: Edukim Fizik dhe Sporte

Aplikimi për të studiuar në Universitetin ‘‘Barleti’’ në programin ‘‘Edukim Fizik dhe Sporte’’, në ciklin e parë Bachelor bëhet përmes rregullave dhe udhëzimeve të përcaktuar nga Ministria e Arsimit, Sportit dhe Rinisë (MARS).

Aplikantët fillimisht plotësojnë formularët A1/A1Z që të bëhen pjesë e sistemit.

Aplikimi bëhet në portalin e Maturës Shtetërore: http://matura.qsha.gov.al

Përzgjedhja e programit ‘‘Edukim Fizik dhe Sporte’’ dhe e Universitetit “Barleti” bëhet përmes formularit A2 në periudhat që përcaktohen me udhëzim nga MASR.

I gjithë procesi i aplikimit kalon në dy raunde të cilat përcaktohen nga MASR.

SJELLIM NË VËMENDJE se aplikanti/maturanti mund të bëhet pjesë e UniBa-s vetëm kur e zgjedh UniBa-n dhe programin ‘‘Edukim Fizik dhe Sporte’’.

Në programin ‘‘Edukim Fizik dhe Sporte’’, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
• Dorëzon të gjithë dokumentacionin e kërkuar në udhëzimet e MARS dhe rregulloret e brendshme të UniBa-s.
• Të paguajë tarifën e studimeve sipas kushteve dhe kritereve të përcaktuar në marrëveshjen mes UniBa-s dhe Studentit.

Pranimi i studentëve në programin ‘‘Edukim Fizik dhe Sporte’’, cikli i parë Bachelor bëhet mbështetur në kuotat e përcaktuara nga UniBa dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UniBa-s. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Diplomë Bachelor: Edukim Fizik dhe Sporte

Tarifa e studimit në programin ‘‘Edukim Fizik dhe Sporte’’ në Universitetin ‘‘Barleti” është ndër më konkurrueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në ciklin Bachelor është 3 vite akademike.

Koha maksimale e studimeve në ciklin Bachelor është 6 vite akademike.

Akordimi i një viti shtesë akademik shoqërohet me aplikimin e një tarife studimi shtesë.