English
Shqip
SEKRETARI I PËRGJITHSHËM
Sekretari i Përgjithshëmështë zyrtari më i lartë ekzekutiv dhe administrativ i Universitetit, i cili emërohet nga Administratori i institucionit.Sekretari bashkëpunon me Rektorin për administrim efikas dhe efektiv në të gjitha nivelet e Universitetit. Ai përgjigjet për të gjitha çështjet që nuk janë kompetencë e organeve ose e udhëheqësve të tjerë.Sekretari i Universitetit është udhëheqës i administratës së Universitetit.
Sekretari i përgjithshëm i Universitetit ka detyra dhe përgjegjësi të ndryshme. Ai asiston Administratorinnë detyrat dhe proceset e punës së përditshme, sic parashikohet në aktet normative ligjore dhe institucionale. (koordinon dhe mbikëqyr ecurinë e proceseve dhe funksioneve administrative të zyrës ligjore; burimeve njerëzore; shërbimeve mbështetëse, menaxhimit të infrastrukturës, teknologjive dhe pajisjeve në Kampus, organizon punën për hartimin e pjesës administrative të Raportit të Vlerësimit Institucional dhe raporteve të tjera të ngjashme etj); Koordinon proceset ndërlidhëse mes Strukturës Akademike dhe Administrative gjatë akreditimit, licencimit, riorganizimit, etj;
Detaje të tjera lidhur me detyrat e Sekretarit të Përgjithshëm pasqyrohen në aktet e brendshme normative.
MISIONI & VIZIONI
Grupi Barleti, në gjirin e të cilit ndodhet Universiteti “Barleti’’, synon të krijojë një institucion cilësor të arsimit të lartë dhe të jetë një aktor zhvillimi, i cili ofron vlera të vërteta profesionalizmi dhe qytetarie si dhe të përgatisë qytetarë të angazhuar dhe me integritet.
Për të arritur synimet e tij. Grupi Barleti i kushton një rëndësi të veçantë organizimit administrativ duke krijuar një model shumë dimensional në mbështetje të realizimit të misionit dhe vizionit institucional.
Në modelin e organizimit administrativ të Grupit Barleti, pozicioni i Sekretarit të Përgjithshëm, është planifikuar si një pozicion kyç ndërlidhës i cili ka për qëllim të mbikëqyrë, koordinojë dhe mbështesë funksionimin në harmoni me njëra-tjetrën nga pikëpamja administrative të 5 shtyllave të Barleti Group, si dhe strukturat e tjera universitare si ato akademike dhe kërkimore.
DETYRA TË DREJTPËRDREJTA
Mbikëqyr dhe koordinon proceset ndërlidhëse mes Strukturës Akademike dhe Administrative në procese të ndryshme si akreditimet, licencimet, riorganizimet, etj.
Organizon administrimin e dokumentacionit të Protokoll – Arshivës.
Asiston Administratorin (e deleguar) në detyrat dhe proceset e punës së përditshme, siç parashikohet në aktet normative ligjore dhe institucionale.
DETYRA BASHKËPUNIMI DHE MBËSHTETJEJE
Bashkëpunon dhe mbështet njësitë administrative si Administratorin e deleguar, Zyrën Ligjore, Zyrën e Burimeve Njerëzore, Zyrën e Vlerësimit të Performancës.
Mbështet organizimin dhe dokumentimin e mbledhjeve rutinë dhe të jashtëzakonshme të organeve kolegjiale institucionale si Rektorati, Bordi i Administrimit, Këshilli i Etikës dhe Shanseve të Barabarta, Komisioni i Sigurimit të Standardeve të Cilësisë, etj.
CILËSI DHE PËRGJEGJËSI
Sekretari i Përgjithshëm përzgjidhet duke marrë në konsideratë cilësi të rëndësishme dhe të nevojshme për këtë pozicion siç janë integriteti, lidershipi, aftësia për të bashkëpunuar dhe qëndrueshmëria.
Ky pozicion sjell natyrshëm edhe përgjegjësi të rëndësishme si konfidencialiteti dhe llogaridhënia.
