Projektet e realizuara në UniBa e kanë përfshirë këtë të fundit në programe të rëndësishme në fushën e komunikimit dhe teknologjive të reja, ruajtjes e mbrojtjes së mjedisit, efiçencave energjetike dhe ekspertizave përkatëse, të shkollës komunitare dhe zbatimit të nocioneve të reja në shkollë e komunitet si dhe në programe masive të  ringjalljes rinore, të drejtat e njeriut dhe shtresave të ndryshme në nevojë e me aftësi të kufizuara.

Eksperienca e projekteve të suksesshme të realizuara në UniBa mbështet hyrjen dhe pjesëmarrjen në projekte kombëtare, nga të cilat vijojnë elementë të rinj të inovacionit dhe sipërmarrjes, të cilat përpiqen t’i japin zgjidhje situatave reale, të paraprijnë zhvillimet dhe hapin shtigje të reja për rritjen e qëndrueshme. Për këtë arsye UniBa përgatit bërthamat  e specialistëve të projektimeve të inovacioneve dhe të iniciativave sipërmarrëse institucionale që mundësojnë ndërveprimin mes Fakulteteve, Instituteve dhe Qëndrave me aktorë të tjerë të cilët vijnë nga sektorë të ndryshëm të ekonomisë por jo vetëm, rajone të ndryshme të vendit apo dhe shtete e rajone në nivel global. Në këtë mënyrë në UniBa bëhet i mundur realizimi i një ekosistemi gjithëpërfshirës që jetëzohet në nisma të shumta.