Në kuadër të projektit INTERPRAX 2016-1-ES01-KA107-024524, projekt ky pjesë e programit Erasmus+ (Key Action 1- Mobility for Learners and staff), nga data 10/12/2017 -15/12/2017 po vizitojnë institucionin tonë 4 lektorë nga rajoni i Galicia-s/ Spanjë.
Përpos takimeve me drejtuesit e Institucionit dhe stafin e tij, ditën e Martë më 12 Tetor 2017 në orën 11:30, salla A23, u zhvillua Auditori i Hapur me temë “Përvoja e rajonit të Galicias/Spanjë në arsimin e lartë profesional”
Në fjalën e hapjes, Dr. Gazmend Zeneli, i cili moderoi këtë aktivitet, pasi prezantoi të ftuarit, paraqiti shkurtimisht edhe projektin e Kolegjit Profesional “Barleti”, kolegj ky që pritet të fillojë në vitin akademik 218-2019 dhe që do jetë një risi në arsimin e lartë profesional. Gjatë veprimtarisë, katër të ftuarit, Luis Dieguez Gonzales nga IES "Politécnico de Vigo", Julia González Dopazo nga IES "Aller Ulloa", Alexandra Conde Lorenzo nga IES "Luis Seoane" dhe José Óscar Aparicio Fernández nga IES "Cidade de Antioquía" sollën përvojën e rajonit të Galicia-s në arsimin e lartë professional. Me formim nga fusha të ndryshme, të ftuarit u shpjeguan studentëve përparësitë e arsimit professional në fushat respektive, nga marketingu tek mekatronika, nga shkencat komputerike tek robotika. Nëpërmjet prezantimeve audiovisuale, studenët pjesëmarrës patën mundësinë të shikonin disa histori suksesi të zhvillimit të arsimit profesional në këtë rajon.
Të ftuarit ju përgjigjën pyetjeve dhe interesimit të studentëve dhe u shprehën optimistë që bashkëpunimi i nisur do të jetë i suksesshëm dhe afat-gjatë.