Rektori i UB-së ftohet në samitin e Oksfordit

Rektori i UB-së ftohet në samitin e Oksfordit - Universiteti "Barleti"

Rektori i UB-së ftohet në samitin e Oksfordit

2010-03-17

Më 14 - 17 mars 2010, rektori i UB-së u ftua të marë pjesë në Samitin e Liderve që mbahet në Oksford të Mbretërisë së Bashkuar në çdo fillim pranvere. Samiti i Oksfordit është ngjarja më e rëndësishme e vitit për Klubin e Rektorëve të Europës, në të cilin bën pjesë edhe rektori i UB-së. Krahas zgjedhjeve të reja për Asamblenë e Përgjithshme të Klubit të Rektorëve të Europës dhe votimit për disa ndryshime në Statutin e Klubit, Samiti i rradhës iu kushtua këtyre çështjeve:

Partneriteti me Lindjen - perspektiva të reja ekonomike në marrëdhëniet midis EU dhe fqinjëve të saj lindorë - tryezë e thirrur nga Asambleja Europiane e Biznesit - EBA

Kooperimi përmes programeve të shkëmbimit dhe organizimi i integrimit në hapësirën e arsimit të lartë - tryezë e thirrur nga Klubi i Rektorëve të Europës - CRE

Arsimi i lartë në Mbretërinë e Bashkuar - sistemi britanik si një ndër më të mirët në botë dhe know-how akademik në këtë sistem arsimor - tryezë e thirrur nga Klubi i Rektorëve të Europës - CRE

Gjatë Samitit, rektori i UB-së pati takime pune me rektorët e disa universiteteve europiane, me të cilët u ra dakord për forcimin e bashkëpunimit institucional dhe veçanërisht për shtrirjen e këtij bashkëpunimi në fushën e pjesëmarrjes dhe bashkë-organizimit të konferencave shkencore dhe në atë të botimeve të punimeve të stafeve akademike në revista shkencore dhe buletine të universiteteve me synim mbështetjen e kërkimit shkencor dhe hulumtimit.