Departamenti i Qeverisjes, Shkencave Politike dhe Komunikimit në bashkëpunim me Departamentin e Drejtësisë , Turizmit, Mikpritjes dhe Rekreacionit , zhvilluan një bashkëbisedim me drejtuesit e Inspektoriatit Shtetëror të Mbikqyrjes së Tregut, mbi funksionimin dhe përgjegjësitë e këtij institucioni në fushën e pronësisë intelektuale dhe të drejtës së autorit, pronësisë industriale, metrologjisë, sigurisë së produkteve, mbrojtjes së konsumatorit, veprimtarive turistike, sipas dispozitave të ligjit për turizmin etj.
Nëpërmjet pyetjeve të shumta studentet u informuan mbi të gjitha këto problematika, duke konkretizuar njohuritë e tyre teorike nëpërmjet njohjes së veprimtarisë administrative duke konfirmuar në këtë mënyrë filozofinë aplikative të Universitetit Barleti. Kryeinspektori ,z. Lavderim Sahitaj, konfirmoi partneritet afat gjatë , mundësi praktikash mësimore dhe punësimi për studentët tanë.