Diplomë Master Shkencor në Mësuesi në Edukim Fizik e Sporte
Programi i studimit Master Shkencave në “Mësuesi në Edukim Fizik e Sporte” synon të përgatisë specialistë me koncepte dhe aftësi teorike e metodologjike për studim, mbështetur në këndvështrimin dhe metodat shkencore dhe bashkëkohore të zhvillimit psikomotor te femijët e grupmoshave të ndryshme, etj. Ai synon përgatitjen e dyfishtë, si mësues të Edukimit Fizik dhe Sportit, por dhe si profesionistë të fushave në tërësi, që lidhen me edukimin lëvizor dhe motorr të tyre.
Programi i studimeve u ofron studentëve dije, njohuri dhe metodologji të thelluar kërkimore e zbatuese, kjo e fundit nëpërmjet praktikave konkrete, për një punë të kualifikuar, jo vetëm në edukimin, por dhe në trajnimin e fëmijeve në sporte të ndryshme.
Diplomë Master Shkencor në Mësuesi në Edukim Fizik e Sporte
Plani mësimor - Master Shkencor në Mësuesi në Edukim Fizik e Sporte (PDF)
Diplomë Master Shkencor në Mësuesi në Edukim Fizik e Sporte
Studenti që përfundon studimet në “Universiteti Barleti”, në Master i Shkencave në programin “Mësuesi në Edukim Fizik e Sporte” ka mundësi punësimi:
- në sektorin e arsimit dhe në mësimdhënie në ciklin fillor dhe para universitar, shkolla publike dhe private;
- si drejtues në ekipet e moshave shkollore;
- në institucione vendimmarrëse sportive;
- në administratën publike qendrore ose lokale ku hartohen politikat publike mbi sportet;
- në sektorë, institucione e qendra të shërbimeve rehabilituese për individë me nevoja e probleme të veçanta fizike dhe shëndetësore.
Diplomë Master Shkencor në Mësuesi në Edukim Fizik e Sporte
Aplikimi për në “Universiteti Barleti” në programet e ciklit të dytë Master i Shkencave bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MASR).
Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- ka përfunduar me sukses studimet dhe është pajisur me diplomë në një program të ciklit të parë, i cili rezulton i lecensuar në momentin e regjistrimit të studentit dhe i akredituar në momentin e diplomimit të studentit; ose
- është diplomuar jashtë vendit në një program të ciklit të parë, të licensuar dhe akreditar. Diploma është e detyrueshme të njehtësohet pranë MASR/QSHA brenda muajit dhjetor;
- dorëzon të gjithë dokumentacionin e kërkuar sipas udhëzimeve të MASR dhe rregulloret e brendshme të UB-së;
- merr përsipër të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit;
- nuk rezulton i regjistruar në një program tjetër studimi;
- ka të mbrojtur gjuhën e huaj në nivel B1.
Pranimi i studentëve në ciklin e dytë Master i Shkencave në programin “Mësuesi në Edukim Fizik e Sporte” bëhet mbështetur në kuotat e përcaktuara nga UB dhe të miratuara nga MASR, mbi bazë të standardeve të përcaktuara nga MASR, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Komisionet ad hoc të ngritur për çdo program studimi Master me vendim të Dekanit, shqyrtojnë të gjitha aplikimet dhe parashtrojnë për miratim te Dekani i Fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.
Diplomë Master Shkencor në Mësuesi në Edukim Fizik e Sporte
Tarifa e studimit në Master i Shkencave programi “Mësuesi në Edukim Fizik e Sporte”, në “Universiteti Barleti” është ndër më konkurrueset në treg, pasi synohet t’u vihet në ndihmë studentëve për t’i dhënë mundësi studimi. Likuidimi i tarifës kryhet me 3 këste.
Kohëzgjatja normale e studimeve në Master i Shkencave në programin “Mësuesi në Edukim Fizik e Sporte” është 2 vite akademikë.
Koha maksimale e studimeve në Master i Shkencave në programin “Mësuesi në Edukim Fizik e Sporte” është 4 vite akademikë.
Akordimi i një viti shtesë akademik shoqërohet me aplikimin e një tarife studimi shtesë.
Apliko Online
