Krahas mësimdhënies, një prej dimensioneve të rëndësishme në UMB është edhe kërkimi shkencor në përputhje me filozofinë dhe misionin e tij, në përputhje me interesat e universitetit, të stafit akademik dhe studentor, si dhe në përputhje më kapacitetet njerëzore dhe financiare.
UMB është konceptuar si një qendër kërkimore shkencore, në partneritet me të tretë, me institucionet, organizmat ndërkombëtare dhe aktorë të tjerë të shoqërisë shqiptare. 
SHLUJ” Universiteti “Marin Barleti”:

1. do të vazhdojë të ruajë pozicionin si institicion lider i certifikuar nga institucionet ndërkombëtare, në fushën e edukimit dhe kërkimit shkencor në vend dhe rajon. 
2. synon që të aplikojë dijet dhe teknologjitë innovative, për të ofruar zgjidhje për sfidat e shoqërisë në vend dhe rajon.
3. po konsolidon hapësirën dhe instrumentat  e nevojshme për të  nxitur dhe mbështetur veprimtarinë kërkimore-shkencore ndërdisiplinore, të strukturave të  studimit dhe kërkimit në institucion dhe jashtë tij.
4. synon të mundësojë  tek të gjithë ata që janë të angazhuar në fushat sociale, të ekonomisë dhe mjedisit paisjen me dije bashkëkohore,  zhvillimin e standardeve dhe përftimin e aftësive dhe kompetencave që i bëjnë eficientë, të sukseshëm dhe që mundësojnë zhvillimin e karrierës. 
   së bashku me institutet dhe qëndrat studimore e kërkimore, synojnë të bashkëpunojnë me institucione homologe, si dhe agjencitë e zhvillimit në rajon e më gjerë, për organizimin e veprimtarive të përbashkëta, si edhe të bëhen pjesëmarrës aktiv në rrjetet ndërkombëtare të institucioneve të kërkimit dhe zhvillimit. 

Si pjesë e strategjisë kërkimore, synojmë të:

• Inkurajojnë krijimin e një  brezi  të ri studiuesish dhe kërkuesish  në fushat e shoqërisë, ekonomisë dhe mjedisit;
• Inkurajojmë partneritetin dhe integrimin e të rinjve në komunitet, për gjetjen e alternativave që do të mundësojnë zhvillimin e qëndrueshëm të vendit;
• Nxisin krijimin e një aleance të suksesshme midis aktorëve kryesorë në vend,  për të mundësuar një dialog të vazhdueshëm midis tyre mbi reformat ekonomike dhe zhvillimin e integruar ekonomik në vend dhe më gjerë;
• Sjellin më afër komunitetin e biznesit me botën akademike, ofrojnë konsulencë dhe shërbime të drejtpërdrejta për komunitetin e biznesit, veçanërisht ato që lidhen me zhvillimin e SME-ve, teknologjinë e informacionit, kërkimin, zhvillimin, inovacionin si dhe ekonominë e bazuar në dije.